തൊടുപുഴ: ഉടുമ്പന്‍ചോല മണ്ഡലത്തില്‍ മന്ത്രി എം എം മണിയുടെ കുതിപ്പ്. വോട്ടെണ്ണലിന്റെ ആദ്യ മൂന്ന് മണിക്കൂറില്‍ 17000ലധികം വോട്ടുകള്‍ക്കാണ് എം എം മണി ലീഡ് ചെയ്യുന്നത്. നിലവില്‍ ഏറ്റവും ഉയര്‍ന്ന ലീഡ് നില ഉടുമ്പന്‍ചോലയിലാണ്.
ദേവികുളത്ത് എല്‍ഡിഎഫിന്റെ എ രാജയാണ് മുന്നില്‍. മൂവായിരത്തിലധികമാണ് ലീഡ്. യുഡിഎഫിന്റെ ഡി കുമാറാണ് എതിരാളി. തൊടുപുഴയില്‍ യുഡിഎഫിന്റെ പി ജെ ജോസഫാണ് മുന്നില്‍. 2492 വോട്ടുകള്‍ക്കാണ് മുന്നിട്ട് നില്‍ക്കുന്നത്. ഇടുക്കിയില്‍ എല്‍ഡിഎഫിന്റെ റോഷി അഗസ്റ്റിനാണ് മുന്നില്‍. യുഡിഎഫിന്റെ കെ ഫ്രാന്‍സിസ് ജോര്‍ജ്ജാണ് എതിര്‍ സ്ഥാനാര്‍ത്ഥി. പീരുമേട് യുഡിഎഫിന്റെ അഡ്വ സിറിയക് തോമസാണ് മുന്നിട്ടുനില്‍ക്കുന്നത്. എല്‍ഡിഎഫിന്റെ വാഴൂര്‍ സോമനേക്കാള്‍ രണ്ടായിരത്തിലധികം വോട്ടുകള്‍ക്കാണ് സിറിയക് തോമസ് മുന്നിട്ടുനില്‍ക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
