ഇനി ഹൈക്കോടതിയിൽ ജാമ്യാപേക്ഷകൾ നൽകേണ്ടത് നിശ്ചിത മാതൃകയിൽ, പരിശോധന ‘മെഷീൻ ലേണിങ്’ വഴി; ഇന്ത്യയിൽ ആദ്യം 

കൊച്ചി: മെഷീൻ ലേണിങ്ങിലൂടെ ജാമ്യാപേക്ഷകളിൽ അപാകതകളുണ്ടോയെന്ന് പരിശോധിക്കാനുള്ള സംവിധാനം അടുത്ത തിങ്കളാഴ്ച മുതൽ ഹൈക്കോടതിയിൽ നിലവിൽ വരും. ‘ഓട്ടോ സ്ക്രൂട്ടിനി’ എന്ന ഓപ്ഷനാണു ജാമ്യാപേക്ഷകൾ പരിശോധിക്കാനായി നിലവിൽ വരിക. നിലവിലെ ‘സ്ക്രൂട്ടിനി ബൈ ഫയലിങ് സ്ക്രൂട്ടിനി ഓഫിസർ’ എന്ന ഓപ്‌ഷൻ ഈ മാസം അവസാനം വരെയുണ്ടാകും.

നിലവിൽ, ജാമ്യാപേക്ഷകൾ പരിശോധിക്കാൻ പത്ത് ഉദ്യോഗസ്ഥരെ നിയോഗിച്ചിട്ടുണ്ട്. ഇതിനു പകരമായാണു പുതിയ സംവിധാനം. ഇന്ത്യയിലാദ്യമായാണ് ഇത്തരത്തിലുള്ള സംവിധാനം നടപ്പാക്കുന്നത്. മെഷീൻ സ്ക്രൂട്ടിനി മൊഡ്യൂളിന്റെ പ്രവർത്തനം വിശകലനം ചെയ്ത ശേഷം അടുത്ത മാസം ആദ്യം മുതൽ ഈ സംവിധാനത്തിലേക്ക് മാറാനാണ് നീക്കം.

ഹൈക്കോടതിയിലെ ഐടി വിഭാഗമാണ് സോഫ്റ്റ്‌വെയർ വികസിപ്പിച്ചത്. തിങ്കളാഴ്ച മുതൽ നിശ്ചിത മാതൃകയിലായിരിക്കണം ജാമ്യാപേക്ഷകൾ ഫയൽ ചെയ്യേണ്ടത്. 

ഈ വാര്‍ത്ത കൂടി വായിക്കൂ 

ജസ്റ്റിസ് ആശിഷ് ജെ ദേശായി കേരള ഹൈക്കോടതി ചീഫ് ജസ്റ്റിസാകും

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ