മെയ് 23വരെ ലോക്ക്ഡൗൺ നീട്ടി, നാല് ജില്ലകളിൽ ട്രിപ്പിൾ ലോക്ക്ഡൗൺ: മുഖ്യമന്ത്രി 

തിരുവനന്തപുരം: സംസ്ഥാനത്ത് കോവിഡ് വ്യാപനം രൂക്ഷമായ പശ്ചാത്തലത്തിൽ പ്രഖ്യാപിച്ച ലോക്ഡൗൺ ഈ മാസം 23 വരെ നീട്ടി. കോവിഡ് അവലോകന യോ​ഗത്തിനുശേഷം നടത്തിയ വാർത്താസമ്മേളനത്തിൽ മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്. നിലവിലുള്ള നിയന്ത്രണങ്ങൽ അതേപടി തുടരും. 

എറണാകുളം, തിരുവനന്തപുരം, മലപ്പുറം, തൃശൂർ എന്നീ നാല് ജില്ലകളിൽ ട്രിപ്പിൾ ലോക്ക്ഡൗൺ ഏർപ്പെടുത്തി. ഈ ജില്ലകളിൽ ലോക്ക്ഡൗണിൽ അനുവദിച്ചിട്ടുള്ള പൊതു ഇളവുകൾ കുറയ്ക്കും.  

പതിനഞ്ചാം തീയതി വരെയാണ് നിലവിലെ ലോക്ക്ഡൗൺ. ലോക്ക്ഡൗൺ പ്രഖ്യാപിച്ചതിനു ശേഷം പ്രതിദിന കേസുകളുടെ എണ്ണത്തിൽ കുറവുണ്ടായിട്ടില്ല. എന്നാൽ വരുംദിവസങ്ങളിൽ ലോക്ക്ഡൗണിന്റെ ഫലം പ്രതിഫലിക്കുമെന്നാണ് വിദഗ്ധർ കരുതുന്നത്.