കൊച്ചി: അങ്കമാലി എംഎല്എയും എഐസിസി സെക്രട്ടറിയുമായി റോജി എം ജോണ് വിവാഹിതനായി. കാലടി മാണിക്യമംഗലം സ്വദേശിനി ലിപ്സിയാണ് വധു. അങ്കമാലി ബസിലിക്ക പള്ളിയില് ബുധനാഴ്ച ഉച്ചതിരിഞ്ഞ് 3.30നായിരുന്നു വിവാഹ ചടങ്ങുകള് നടന്നത്.
അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തില് പങ്കെടുത്തത്. അതിനിടെ, വിവാഹത്തിന് തന്നെ ക്ഷണിക്കാത്തത് ആരോടും പറഞ്ഞിട്ടില്ലെന്ന് ഷാഫി പറമ്പില് എംപി ഫെയ്സ്ബുക്കില് കുറിച്ചു. റോജിക്കും റോജിയുടെ ലിപ്സിക്കും സ്നേഹാശംസകള് കുറിപ്പില് പറയുന്നു.
വിവാഹത്തിന്റെ ചെലവ് ചുരുക്കി പ്രസ്തുത തുക അങ്കമാലിയിലെ നിര്ധന കുടുംബത്തിന് വീട് നിര്മിച്ച് നല്കാന് ഉപയോഗിക്കുമെന്ന് റോജി എം ജോണ് പറഞ്ഞു. പ്രതിപക്ഷ നേതാവ് വി ഡി സതീശന്, ഉമാ തോമസ് എംഎല്എ അടക്കമുള്ളവര് ഇരുവര്ക്കും വിവാഹ ആശംസകള് അറിയിച്ചു. ഉമാ തോമസ് എംഎല്എ വിവാഹ ചടങ്ങില് പങ്കെടുക്കുകയും ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
