തിരുവനന്തപുരം: മലയാളികള് ഇരുകയ്യും നീട്ടി സ്വീകരിച്ച സോഷ്യല് മീഡിയ പ്ലാറ്റ് ഫോമായ ക്ലബ് ഹൗസിലും സാന്നിധ്യം അറിയിച്ച് കേരള പൊലീസ്. ക്ലബ് ഹൗസ് അക്കൗണ്ട് എടുത്ത കാര്യം ഫെയ്സ്ബുക്ക് പേജിലൂടെയും കേരള പൊലീസ് അറിയിച്ചിട്ടുണ്ട്.'നിങ്ങളെവിടെ പോയാലും കൂടെ ഞങ്ങളുണ്ടാകു'മെന്നും എല്ലാവരും ഒപ്പം കൂടിക്കോയെന്നും പൊലീസ് പറയുന്നു.
നിരവധി ചര്ച്ചകള് നടക്കുന്ന ക്ലബ് ഹൗസിന്റെ വര്ധിച്ചുവരുന്ന ജനപ്രീതിയെ ഉപയോഗപ്പെടുത്താനാണ് പൊലീസിന്റെ നീക്കം. പ്ലാറ്റ് ഫോം ഉപയോഗിച്ച് സമൂഹവിരുദ്ധ പ്രവര്ത്തനങ്ങള് നടത്തുന്നുണ്ടോയെന്നും കേരള പൊലീസ് സൈബര് വിഭാഗം നിരീക്ഷിക്കും.
ക്ലബ് ഹൗസില് തങ്ങളുടെ വ്യാജ ഐഡികള് ഉണ്ടാക്കിയതായി നിരവധി സിനിമ താരങ്ങള് പരാതിപ്പെട്ടിരുന്നു. ക്ലബ് ഹൗസ് തുടങ്ങി അധികം വൈകാതെ തന്നെ സിനിമാ താരങ്ങളായ സുരേഷ് ഗോപി, ദുല്ഖര് സല്മാന്, ടോവിനോ തോമസ്, നിവിന് പോളി, ആസിഫ് അലി, സാനിയ ഇയ്യപ്പന് എന്നിവര് വ്യാജ ഐഡികള്ക്കെതിരെ രംഗത്തുവന്നിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
