മുപ്പതാമത് കേരള രാജ്യാന്തര ചലച്ചിത്ര മേളയില് പ്രദര്ശിപ്പിക്കേണ്ടിയിരുന്ന സിനിമകള്ക്ക് പ്രദര്ശനാനുമതി നിഷേധിച്ച യൂണിയന് സര്ക്കാര് നടപടി അംഗീകരിക്കാനാവില്ലെന്ന് മുഖ്യമന്ത്രി പിണറായി വിജയന്. രാജ്യത്ത് ഭിന്ന സ്വരങ്ങളെയും വൈവിധ്യമാര്ന്ന സര്ഗ്ഗാവിഷ്കാരങ്ങളെയും അടിച്ചമര്ത്തുന്ന സംഘപരിവാര് ഭരണകൂടത്തിന്റെ ഏകാധിപത്യ വാഴ്ചയുടെ നേര്ക്കാഴ്ചയാണ് ചലച്ചിത്ര മേളയിലുണ്ടായിരിക്കുന്ന സെന്സര്ഷിപ്പ്. ഇത്തരത്തിലുള്ള കത്രികവെക്കലുകള്ക്ക് പ്രബുദ്ധ കേരളം വഴങ്ങില്ല. പ്രദര്ശനാനുമതി നിഷേധിക്കപ്പെട്ട എല്ലാ സിനിമകളും മേളയില് പ്രദര്ശിപ്പിക്കുമെന്ന് മുഖ്യമന്ത്രി പറഞ്ഞു..നാഷണല് ഹെറാള്ഡ് കേസില് കോണ്ഗ്രസ് നേതാക്കളായ രാഹുല് ഗാന്ധിക്കും സോണിയ ഗാന്ധിക്കും ആശ്വാസം. കള്ളപ്പണം വെളുപ്പിക്കല് കേസുമായി ബന്ധപ്പെട്ട് സോണിയ ഗാന്ധി, രാഹുല് ഗാന്ധി, മറ്റ് അഞ്ച് പേര് എന്നിവര്ക്കെതിരെ എന്ഫോഴ്സ്മെന്റ് ഡയറക്ടറേറ്റ് സമര്പ്പിച്ച കുറ്റപത്രം ഡല്ഹി കോടതി സ്വീകരിച്ചില്ല.. നടിയെ ആക്രമിച്ച കേസിലെ കോടതി വിധിക്ക് പിന്നാലെ മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി അതിജീവിത. ക്ലിഫ് ഹൗസില് വച്ചായിരുന്നു കൂടിക്കാഴ്ച. ഒരുമണിക്കൂറിലേറെ നേരം കൂടിക്കാഴ്ച നീണ്ടു. സര്ക്കാര് ഒപ്പമുണ്ടെന്ന് മുഖ്യമന്ത്രി അതിജീവിതയെ അറിയിച്ചു..ഡോളറിനെതിരെ രൂപ സര്വകാല റെക്കോര്ഡ് താഴ്ചയില്. ഡോളറിനെതിരെ 23 പൈസയുടെ നഷ്ടം നേരിട്ടതോടെ രൂപ ആദ്യമായി 91 പൈസയിലേക്ക് ഇടിഞ്ഞു. 91.01 എന്ന നിലയിലാണ് രൂപ ഇന്ന് ക്ലോസ് ചെയ്തത്..ഐപിഎല്ലിലെ മിനി ലേലത്തില് ഏറ്റവും വിലയേറിയ വിദേശ താരമായി ഓസ്ട്രേലിയന് താരം കാമറൂണ് ഗ്രീന്. 25.20 കോടി രൂപ മുടക്കിയാണ് താരത്തെ കൊല്ക്കത്ത സ്വന്തമാക്കിയത്. ഐപിഎല് ചരിത്രത്തിലെ തന്നെ ഒരു വിദേശതാരത്തിന് ലഭിക്കുന്ന ഏറ്റവും ഉയര്ന്ന തുകയാണിത്. ഡേവിഡ് മില്ലറിനെ രണ്ട് കോടിക്ക് ഡല്ഹി ക്യാപിറ്റല്സ് സ്വന്തമാക്കി..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
