ഓണത്തിരക്ക് പേടിക്കേണ്ട, സമയമെടുത്ത് പര്‍ച്ചേഴ്‌സ് ചെയ്യാം; അധിക സര്‍വീസുകളുമായി കൊച്ചി മെട്രോ

കൊച്ചി: യാത്രക്കാരുടെ തിരക്ക് കണക്കിലെടുത്ത് ഓണക്കാലത്ത് കൊച്ചി മെട്രോ അധിക സര്‍വീസുകള്‍ നടത്തും. ഓഗസ്റ്റ് 22, 24, 25 തീയതികളില്‍ ഉച്ചകഴിഞ്ഞ് 3 മുതല്‍ തിരക്കുള്ള സമയങ്ങളില്‍ 6 മിനുട്ട് 45 സെക്കന്‍ഡ് ഇടവേളയില്‍ 4 അധിക സര്‍വീസുകള്‍ നടത്തും. ഓഗസ്റ്റ് 23 ഞായറാഴ്ച്ച 2 ട്രെയിനുകള്‍ കൂടുലായി സര്‍വീസ് നടത്തുമെന്ന് കെഎംആര്‍എല്‍ അറിയിച്ചു.

ഉച്ചകഴിഞ്ഞ് 2.30 മുതല്‍ 7 മിനുട്ട് 13 സെക്കന്‍ഡ് ഇടവേളയില്‍ 8 അധിക ട്രിപ്പുകളാകും ഞായറാഴ്ച്ച ഉണ്ടാകുക. ഈ ദിവസങ്ങളില്‍ ആവശ്യമെങ്കില്‍ ഉപയോഗിക്കാന്‍ ഒരു ട്രെയിന്‍ കൂടി സജ്ജമായിരിക്കുമെന്നും കെഎംആര്‍എല്‍ അധികൃതര്‍ അറിയിച്ചു.