കോഴിക്കോട്: മലാപ്പറമ്പില് ദമ്പതികളുടെ മരണത്തിനിടയാക്കിയ വാഹനാപകടത്തില് രണ്ടുപേര് അറസ്റ്റില്. ബസ് ഡ്രൈവര് അഖില് കുമാറിനെയും ബസ് ഉടമ അരുണിനെയും ചേവായൂര് പൊലീസാണ് അറസ്റ്റ് ചെയ്തത്. അഖില് കുമാറിനെതിരെ മനഃപൂര്വ്വമല്ലാത്ത നരഹത്യക്കാണ് കേസെടുത്തത്. ബസ് ഉടമയ്ക്കെതിരെ പ്രേരണാകുറ്റമാണ് ചുമത്തിയത്. ഇരുവരേയും കോടതി റിമാന്ഡ് ചെയ്തു.
വാഹനാപകടത്തില് കക്കോട് സ്വദേശി ഷൈജു, ഭാര്യ ജീമ എന്നിവരാണ് മരിച്ചത്. ഇവര് സഞ്ചരിച്ച സ്കൂട്ടര് സ്വകാര്യ ബസുകള്ക്കിടയില്പ്പെട്ടാണ് ദമ്പതികള് മരിച്ചത്. ബസിന് പിന്നില് ഇടിച്ച സ്കൂട്ടറില് മറ്റൊരു ബസ് വന്നിടിക്കുകയായിരുന്നു. മലാപ്പറമ്പിന് സമീപം വെങ്ങേരിയില് വെച്ചായിരുന്നു അപകടമുണ്ടായത്. ബസ് പെട്ടെന്ന് ബ്രേക്കിട്ടപ്പോഴാണ് തൊട്ടു പിന്നിലുണ്ടായിരുന്ന സ്കൂട്ടര് ബസില് ഇടിച്ചത്.
അപകടത്തില് സ്കൂട്ടര് തകര്ന്നു. ദമ്പതികള് ബാലുശ്ശേരി ഭാഗത്തു നിന്നും കോഴിക്കോടേക്ക് പോകുകയായിരുന്നു. ദമ്പതികളെ ആശുപത്രിയില് എത്തിച്ചപ്പോഴേക്കും മരിച്ചിരുന്നു. സ്കൂട്ടറിനൊപ്പം ഒരു ബൈക്കും രണ്ടു ബസുകള്ക്കിടയില്പ്പെട്ടിരുന്നു. എന്നാല് ബൈക്ക് ഓടിച്ചയാള് കാര്യമായ പരിക്കേല്ക്കാതെ രക്ഷപ്പെട്ടു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
