'വയസ്സായില്ലേ; ഹിന്ദുക്കളെ അപമാനിക്കുന്നത് നിര്‍ത്തിക്കൂടെ'; കെഎസ് ഭഗവാന് നേരെ അഭിഭാഷകയുടെ മഷിയേറ്

ബംഗളൂരു; കന്നട എഴുത്തുകാരന്‍ കെഎസ് ഭഗവാന് നേരെ മഷി പ്രയോഗം. ഹിന്ദുവികാരം വ്രണപ്പെടുത്തിയെന്നാരോപിച്ച് മീര രാഘവേന്ദ്ര എന്ന അഭിഭാഷകയാണ് മഷി പ്രയോഗം നടത്തിയത്. ഇതിന്റെ വിഡിയോ ഇവര്‍ സമൂഹമാധ്യമങ്ങളില്‍ പങ്കുവെക്കുകയും ചെയ്തു.

കോടതിയിലേക്ക് പോകുന്ന വഴിയായിരുന്നു മഷി പ്രയോഗം നടത്തിയത്. താങ്കളുടെ മേല്‍ മഷി പ്രയോഗം നടത്തിയതിന് താന്‍ ജയിലില്‍ പോകാന്‍ തയ്യാറാണെന്നും യുവതി വിഡിയോയില്‍ പറയുന്നു. നിങ്ങള്‍ പ്രൊഫസറാണ്. പ്രായമേറെയായി, എന്നിട്ടും നിങ്ങള്‍ ഹിന്ദുക്കളുടെ വികാരം വ്രണപ്പെടുത്തിക്കൊണ്ടിരിക്കുകായാണ്. നിങ്ങള്‍ക്ക് നാണമില്ലേയെന്നും മീര ഭഗവാനോട് ചോദിക്കുന്നു.