മുനമ്പം ഭൂമി ഉമീദ് പോർട്ടർലിൽ ചേർത്തതിന്റെ പ്രതികാര നടപടിയായാണ് സർക്കാരിന്റെ ഹൈക്കോടതിയിലെ നിലപാടിനെ കാണുന്നത് - കെ എസ് ഹംസ

ഹൈക്കോടതിയുടെ വിധി സത്യത്തിൽ ഞെട്ടിച്ചുകളഞ്ഞു. ആക്ടിലോ റൂളിലോ ഇല്ലാത്ത ഒരു കാര്യമാണ് കോടതി പറഞ്ഞത്. ഷോൺ ജോർജിന്റെ ഹർജിയിലാണ് നടപടി. രണ്ട് അമുസ്ലിം അംഗങ്ങളെ നിയമിച്ചിട്ടില്ല, അതുകൊണ്ട് ബോർഡ് പിരിച്ചുവിടണമെന്നായിരുന്നു ഹർജിയിലെ ആവശ്യം. എന്നാൽ, നിയമത്തിൽ ഇക്കാര്യം വ്യക്തമായി പറയുന്നുണ്ട്. രണ്ടോ മൂന്നോ നാലോ അംഗങ്ങളുടെ ഒഴിവുണ്ടായാലും ബോർഡിന്റെ പ്രവർത്തനങ്ങളെയോ തീരുമാനങ്ങളെയോ അത് ബാധിക്കില്ലെന്നാണ് ആക്ടിലുള്ളത്. ബോർഡിലേക്ക് അംഗങ്ങളെ നാമനിർദേശം ചെയ്യേണ്ടത് സർക്കാരാണ്. ആ സർക്കാർ തന്നെ അംഗങ്ങളെ നാമനിർദേശം ചെയ്തിട്ടില്ലെന്ന് പറഞ്ഞ് കോടതിയിൽ നിലപാട് സ്വീകരിക്കുന്നതിലെ വിരോധാഭാസവും ശ്രദ്ധിക്കേണ്ടതാണ്. കോടതിയുടെ അധികാരം ആക്ടിനെ വ്യാഖ്യാനിക്കുകയും അതനുസരിച്ച് വിധി പറയുകയും ചെയ്യുകയാണ്. എന്നാൽ, ആക്ടിന് വിരുദ്ധമായാണ് വിധി വന്നത്. ഏത് സാഹചര്യത്തിൽ എങ്ങനെ പ്രവർത്തിക്കണമെന്ന് ഉമീദ് ആക്ടിൽ വ്യക്തമായി നിർവചിച്ചിട്ടുണ്ട്. അതിനെ ലംഘിച്ചാണ് വിധിയുണ്ടായത്. ആ വിധിയെയാണ് സുപ്രീം കോടതിയിൽ ചോദ്യം ചെയ്തിരിക്കുന്നത്.

തീർച്ചയായും. ഏറ്റവും ദുഃഖകരമായ കാര്യം, ഹർജിയെ പിന്തുണയ്ക്കുന്നുണ്ടോ എന്ന് ഹൈക്കോടതി അഡ്വക്കറ്റ് ജനറലിനോട് ചോദിച്ചപ്പോൾ, "യെസ് , വീ ആർ സപ്പോർട്ടിങ് ദി പെറ്റിഷൻ" എന്നാണ് അദ്ദേഹം മറുപടി പറഞ്ഞത്. ബിജെപി നേതാവ് നൽകിയ ഹർജിയെ സർക്കാർ പിന്തുണയ്ക്കുന്നുവെന്നാണ് കോടതിയിൽ വ്യക്തമാക്കിയത്. വഖഫ് വകുപ്പ് കൈകാര്യം ചെയ്യുന്ന മുസ്ലിം ലീഗിന്റെ മന്ത്രിയുള്ള സർക്കാരാണ് ഈ നിലപാട് സ്വീകരിച്ചത്. നിലവിലെ ബോർഡിനെ പുറത്താക്കാൻ ഉദ്ദേശമില്ലെങ്കിൽ ഇത്തരമൊരു നിലപാട് സ്വീകരിക്കേണ്ട സാഹചര്യമില്ലായിരുന്നു.

തീർച്ചയായും. ഈ സാഹചര്യത്തിൽ ഇതിനെ ഒരു പ്രതികാര നടപടിയായാണ് കാണാൻ കഴിയുക. നിയമപരമായി നിലവിലുള്ള ബോർഡിനെ പുറത്താക്കാൻ സർക്കാരിന് കഴിയില്ല. അതിനാൽ ഇത്തരത്തിലുള്ള വളഞ്ഞ വഴികളാണ് സ്വീകരിക്കുന്നത്.

ലീഗിനെ സംബന്ധിച്ചിടത്തോളം മുസ്ലിം സമുദായത്തോട് കടുത്ത വഞ്ചനയാണ് ഇക്കാര്യത്തിൽ അവർ ചെയ്തത്. ഇത്ര വലിയ വഞ്ചന വേറെയുണ്ടാകുമോ? ഇതേ സുപ്രീം കോടതിയിൽ രണ്ട് അമുസ്ലിം അംഗങ്ങളെ നിയമിക്കുന്നതിനെതിരെ കേസ് നൽകിയതും ആ കേസ് ഇപ്പോഴും പരിഗണനയിലുമാണ്. അതേസമയം, രണ്ട് അമുസ്ലിം അംഗങ്ങളെ നിയമിച്ചിട്ടില്ലെന്ന കാരണത്താൽ ബോർഡ് പിരിച്ചുവിടണമെന്ന ബിജെപി നേതാവിന്റെ ഹർജിയെ ലീഗ് നേതൃത്വം നൽകുന്ന സർക്കാർ കോടതിയിൽ നേരിട്ട് പിന്തുണയ്ക്കുകയാണ്.

അദ്ദേഹം അങ്ങനെ ഉദ്ദേശിച്ചാണ് പറഞ്ഞതെന്ന് ഞാൻ കരുതുന്നില്ല. അമുസ്ലിം അംഗങ്ങളെ നിയമിക്കണമോ വേണ്ടയോ എന്നത് സർക്കാരിന്റെ തീരുമാനമാണ്. എന്നാൽ, അംഗങ്ങളെ നിയമിച്ചിട്ടില്ലെന്ന കാരണത്താൽ നിലവിലെ ബോർഡ് അംഗങ്ങളെ മാറ്റാൻ ശ്രമിക്കുന്നത് ശരിയല്ല. അതാണ് അദ്ദേഹം ഉദ്ദേശിച്ചതും ആ രീതിയിൽ പ്രതികരിച്ചതും.