കൊച്ചി: ജാതി സെന്സസിനെതിരായ എന്എസ്എസ് നിലപാടിനെതിരെ ലത്തീന് സഭ. ജാതി സെന്സസ് (caste census) നടപ്പിലാക്കണമെന്നും ജാതി സെന്സസിനെതിരെ ചില സംഘടനകള് മുന്നോട്ടുവരുന്നത് അപലപനീയമാണെന്നും ഇത്തരം സംഘടനകളുടെ നിലപാട് നീതിപൂര്വമല്ലെന്നും ലത്തീന് സഭ അഭിപ്രായപ്പെട്ടു.
ജാതി സെന്സസില് നിന്നും സര്ക്കാറുകള് പിന്മാറണമെന്നും സെന്സസ് നടപ്പിലാക്കിയാല് സംവരണത്തിന്റെ പേരില് കൂടുതല് അഴിമതികള്ക്ക് വഴിതെളിയുമെന്നും എന്എസ്എസ് ജനറല് സെക്രട്ടറി ജി സുകുമാരന് നായര് അഭിപ്രായപ്പെട്ടിരുന്നു. ഇതിനെതിരെയാണ് ലത്തീന് സഭ രംഘത്തെത്തിയിരിക്കുന്നത്.
സംവരണത്തിന്റെ പേരില് നല്കുന്ന ഇളവുകള് വിദ്യാഭ്യാസ രംഗത്തും തൊഴില്രംഗത്തും യോഗ്യതയില് വെള്ളം ചേര്ക്കുമെന്നും സുകുമാരന് നായര് പറഞ്ഞുയ ഭരണഘടന അനുശാസിക്കുന്ന തുല്യത ജാതിമത വ്യത്യാസമില്ലാതെ എല്ലാവര്ക്കും ഉറപ്പാക്കണം. വോട്ടുബാങ്കുകളായ ജാതിവിഭാഗങ്ങളുടെ സമ്മര്ദതന്ത്രങ്ങള്ക്ക് വഴങ്ങുകയും അവരുടെ സംഘടിത ശക്തിക്ക് മുന്പില് അടിയറപറയുകയും ചെയ്യുന്നതരത്തില് വിവിധ രാഷ്ട്രീയപാര്ട്ടികള് സ്വീകരിച്ച പ്രീണന നയത്തിന്റെ ഭാഗമാണ് ജാതി സംവരണത്തിനുള്ള മുറവിളിയെന്നും സുകുമാരന് നായര് പറഞ്ഞു.
സര്ക്കാരുകളുടെ തെറ്റായ നയങ്ങള്ക്കെതിരെ പ്രതികരിക്കാനുള്ള അവകാശം ജനങ്ങള്ക്കെന്നപോലെ മത-സാമുദായിക സംഘടനകള്ക്കും ഉണ്ട്. അത് കൃത്യമായും എന്എസ്എസ് നിര്വഹിച്ചുപോന്നിട്ടുണ്ട്. സമുദായ നീതിക്കും സാമൂഹികനീതിക്കും വേണ്ടിയുള്ള നിലപാടുകള് എന്എസ്എസിന് എന്നുമുണ്ടാവും. സര്ക്കാരുകളുടെ തെറ്റായ നയങ്ങളെ എതിര്ക്കുകയും, നല്ല കാര്യങ്ങളോട് സഹകരിക്കുകയും എന്എസ്എസിന്റെ പൊതുനയമാണ്. ഇനിയും അതേനയം തുടരും. കേന്ദ്ര സംസ്ഥാന സര്ക്കാരുകള് നായര് സര്വീസ് സൊസൈറ്റിയോടു നല്ല സമീപനം പാലിക്കുന്നുവെന്നും എല്ലാ രാഷ്ട്രീയ പാര്ട്ടികളോടും സമദൂരനിലപാട് ആയിരിക്കും സ്വീകരിക്കുകയെന്നും സുകുമാരന് നായര് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
