ഫോട്ടോ എടുക്കാൻ തോട്ടി കൊണ്ട് ആനയുടെ മുഖത്തടിച്ച പാപ്പാൻ അറസ്റ്റിൽ 

തൃശ്ശൂർ: ഫോട്ടോ എടുക്കാൻ തല ഉയർത്തുന്നതിനായി തോട്ടി കൊണ്ട് ആനയെ ഉപദ്രവിച്ച പാപ്പാനെ അറസ്റ്റ് ചെയ്തു. പാമ്പാടി സുന്ദരൻ എന്ന നാട്ടാനയെ ഉപദ്രവിച്ച ഒന്നാം പാപ്പാൻ കണ്ണനെയാണ് അറസ്റ്റ് ചെയ്തത്. രണ്ടാഴ്ച മുമ്പ് തൊട്ടിപ്പാൾ മഹാവിഷ്ണു ക്ഷേത്രത്തിൽവെച്ചായിരുന്നു സംഭവം. 

കാഴ്ചക്കാർക്ക് ഫോട്ടോ എടുക്കുന്നതിന് ആനയുടെ മസ്തകത്തിലും തുമ്പികൈയിലും തുടർച്ചയായി അടിക്കുന്നതിൻ്റെ വീഡിയോ വനംവകുപ്പിന് ലഭിച്ചു. ഇതിന്റെ അടിസ്ഥാനത്തിൽ വന്യജീവി സംരക്ഷണ നിയമ പ്രകാരമാണ് ചാലക്കുടി സോഷ്യൽ ഫോറസ്ട്രി റേഞ്ചിൽ കേസ് എടുത്തത്.

അറസ്റ്റിലായ പാപ്പാനെ കോടതിയിൽ ഹാജരാക്കി.