ഷാര്ജ: ഷാര്ജയില് മലയാളി കുത്തേറ്റ് മരിച്ചു. കണ്ണൂര് സ്വദേശിയായ ഇസ്മായില് പൊന്നാരം ഇബ്രാഹിം കുട്ടി എന്നയാളാണ് മരിച്ചത്. ടിക്ടോക്കിലെ തര്ക്കത്തെതുടര്ന്നാണ് കൊലപാതകമെന്നാണ് വിവരം. സംഭവത്തില് ഷാര്ജ പൊലീസ് അന്വേഷണം ആരംഭിച്ചു.
ടിക് ടോക്കില് രണ്ട് ഗ്രൂപ്പുകള് തമ്മില് ദിവസങ്ങളായി തര്ക്കം നിലനിന്നിരുന്നു. ഇന്നലെ രാത്രി രണ്ടുഗ്രൂപ്പുകള് തമ്മില് ഏറ്റുമുട്ടല് രൂക്ഷമായതോടെ പരസ്പരം കൊലവിളി നടത്തി. അതിന് പിന്നാലെ ഉണ്ടായ കത്തിക്കുത്തിലാണ് ഇസ്മയില് കൊല്ലപ്പെട്ടത്.
ഏറെനാളായി ഷാര്ജയില് ജോലി ചെയ്യുന്നയാളാണ് കൊല്ലപ്പെട്ട ഇസ്മയില്. കുത്തിയ ആളും മലയാളിയാണ്. ഇയാള് കൊല്ലം സ്വദേശിയാണെന്നാണ് വിവരം. സംഭവവുമായി ബന്ധപ്പെട്ട് നാലുപേരെ പൊലീസ് കസ്റ്റഡിയിലെടുത്തതായും അന്വേഷണം പുരോഗമിക്കുകയാണെന്നും ഷാര്ജ പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
