പല്ലു തേക്കുന്നതിനിടെ ട്രെയിനിന്റെ വാതിൽ തട്ടി തെറിച്ചു വീണു, യുവാവിന് ദാരുണാന്ത്യം 

തിരുവനന്തപുരം: മലബാർ എക്സ്പ്രസിൽ നിന്നും തെറിച്ചു വീണ് യുവാവ് മരിച്ചു. തിരുവനന്തപുരം നെടുമങ്ങാട് സ്വദേശി ആനന്ദ് കൃഷ്ണൻ (36) ആണ് മരിച്ചത്. കുടുംബത്തോടൊപ്പം കണ്ണൂരിൽ നിന്നും തിരുവനന്തപുരത്തേക്ക് യാത്ര ചെയ്യുന്നതിനിടെയായിരുന്നു അപകടം. 

രാവിലെ ട്രെയിനിൽ പല്ലു തേക്കുമ്പോൾ കാറ്റിൽ അടഞ്ഞ വാതിൽ തട്ടി ആനന്ദ് തെറിച്ചു വീഴുകയായിരുന്നു എന്ന വിവരമാണ് റെയിൽവെ അധികൃതർ നൽകിയതെന്നും സഹോദരൻ അനൂപ് കൃഷ്ണൻ പറഞ്ഞു. പടിഞ്ഞാറെ കല്ലട തലയിണക്കാവ് റെയിൽവെ ​ഗേറ്റിന് സമീപമാണ് സംഭവം.

മരപ്പണിക്കാരനായ ആനന്ദ് 17 വർഷമായി കണ്ണൂരിലാണ്. മൃതദേഹം  രാത്രി വൈകി വിശ്വപുരത്തെ കുടുംബ വീട്ടിലേക്ക് കൊണ്ടു വന്നു. സംസ്കാരം ഇന്ന് നടക്കും. കരിഞ്ച കിഴക്കുംകര പുത്തൻ വീട്ടിൽ കൃഷ്ണൻ ആശാരി അമ്പിളി ദമ്പതികളുടെ മകനാണ് ആനന്ദ് കൃഷ്‌ണൻ. ഭാര്യ കണ്ണൂർ സ്വദേശി അഞ്ചുന. മകൻ: ആത്മദേവ്.

ഈ വാര്‍ത്ത കൂടി വായിക്കൂ 

മാങ്ങ മോഷണക്കസിലെ പൊലീസുകാരനെ പിരിച്ചുവിട്ടു  

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ