തിരുവനന്തപുരം: പിതാവിനൊപ്പം ബൈക്കിൽ വീട്ടിലേക്കു പോകുകയായിരുന്ന ഗർഭിണിയുടെ മാല പൊട്ടിച്ചെടുക്കാൻ ശ്രമം. വിളപ്പിൽശാല–കാട്ടാക്കട റോഡിൽ മലപ്പനംകോട് ഭാഗത്തുവച്ചാണു സംഭവം. സ്കൂട്ടറിൽ എത്തിയ പൂവച്ചൽ സ്വദേശി ജയപ്രകാശ് ആണു മാല പൊട്ടിച്ചെടുക്കാൻ ശ്രമിച്ചത്. ഓടിക്കൂടിയ നാട്ടുകാർ ആണ് മോഷ്ടാവിനെ പിടികൂടിയത്.
ഐഎസ്ആർഒ ഉദ്യോഗസ്ഥയായ ജ്യോതിഷയ്ക്കും (31) പിതാവ് ഗോപകുമാറിനും മോഷണശ്രമത്തിനിടെ സ്കൂട്ടറിൽ നിന്ന് വീണ് പരിക്കേറ്റു. ജ്യോതിഷ നാലു മാസം ഗർഭിണിയാണ്. മാലയിൽ പിടുത്തമിട്ട മോഷ്ടാവ് ജ്യോതിഷ ബൈക്കിൽ നിന്ന് നിലത്ത് വീണിട്ടും പിടിവിട്ടില്ല. ബഹളം കേട്ട് നാട്ടുകാർ ഓടിക്കൂടി. ഈ സമയം കടന്നുകളയാൻ ശ്രമിച്ച ജയപ്രകാശ് സ്കൂട്ടറിൽ നിന്ന് വീണു. ഇയാളെ പൊലീസ് കസ്റ്റഡിയിലെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
