

കാസര്കോട്: ഭാര്യയെ കടന്നല് ആക്രമിക്കുന്നത് കണ്ട ഗൃഹനാഥന് ഹൃദയാഘാതംമൂലം മരിച്ചു. കാഞ്ഞങ്ങാട് സൗത്ത് കൊവ്വല് സ്റ്റോറിലെ അമ്പങ്ങാട് നാരായണന് നായരാണ് (75) മരിച്ചത്.
വീട്ടുപറമ്പില്നിന്ന് തെങ്ങോല ശേഖരിക്കുന്നതിനിടെ ശനിയാഴ്ച വൈകീട്ടാണ് നാരായണന് നായരുടെ ഭാര്യ രാജാമണിയെ കടന്നല് ആക്രമിച്ചത്. ഭാര്യയുടെ നിലവിളി കേട്ട് ഓടിയെത്തിയ നാരായണന് പിന്നാലെ കുഴഞ്ഞുവീഴുകയായിരുന്നു. അയല്ക്കാര് ഇടപെട്ട് ഇരുവരെയും ആശുപത്രിയില് പ്രവേശിപ്പിച്ചെങ്കിലും നാരായണന് നായര് മരിച്ചു. രാജാമണി ചികിത്സയിലാണ്.
ഓടിക്കൂടിയ നാട്ടുകാര് ഇരുവരെയും ആശുപത്രിയില് എത്തിച്ചെങ്കിലും നാരായണന് നായര് മരിച്ചു. മക്കള്: ഷിബു, ഷീബ (ഇരുവരും ഗള്ഫ്). മരുമക്കള്: മധു, ലയ. സഹോദരങ്ങള്: ലക്ഷ്മി, പരേതരായ കേളുനായര്, കൃഷ്ണന്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates