കൊച്ചി: ഭരത് പിജെ ആന്റണിയുടെ ഭാര്യ മേരി ആന്റണി അന്തരിച്ചു. 94 വയസ്സായിരുന്നു. മകള് അഡ്വ. എലിസബത്ത് ആന്റണിയുടെ വസതിയില് വച്ച് ബുധനാഴ്ചയായിരുന്നു അന്ത്യം. വാര്ധക്യസഹജമായ അസുഖങ്ങളെ തുടര്ന്ന് ചികിത്സയിലായിരുന്നു.
വ്യാഴാഴ്ച വൈകുന്നേരം നാലു മണിയ്ക്ക് പോണേക്കര സെന്റ് ഫ്രാന്സിസ് സേവ്യര് പള്ളിയിലെ ചടങ്ങുകള്ക്ക് ശേഷം പള്ളി സെമിത്തേരിയിലെ പിജെ ആന്റണിയുടെ കല്ലറയില് സംസ്കരിക്കും.
നാടകരംഗത്തെ ഒന്നിച്ചുള്ള യാത്രയില് മൊട്ടിട്ട പ്രണയമാണ് ഇരുവരെയും ജീവിതത്തില് ഒന്നിപ്പിച്ചത്. പാലാ സ്വദേശിയായ മേരി, പി ജെ ആന്റണിയുടെ ഇന്ക്വിലാബിന്റെ മക്കള് എന്ന നാടകത്തില് വേഷമിടാന് എത്തിയപ്പോഴാണ് ഇരുവരും തമ്മില് അടുത്തത്. മേരിയുടെ വീട്ടുകാരുടെ എതിര്പ്പ് അവഗണിച്ചായിരുന്നു വിവാഹം. വിവാഹത്തെ തുടര്ന്ന് പി ജെ ആന്റണിയുടെ സര്ഗജീവിതത്തിനും താങ്ങും തണലും പ്രചോനവുമായി മാറി മേരി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
