മഹാസാ​ഗരമായി വീഥികൾ, വിപ്ലവ സൂര്യന് ഹൃദയാഭിവാദ്യമേകി ജനലക്ഷങ്ങൾ; ഇന്നത്തെ 5 പ്രധാന വാർത്തകൾ

കേരളത്തിന്റെ സമരസൂര്യൻ വി എസ് അച്യുതാനന്ദന്റെ മൃതദേഹവും വഹിച്ചുള്ള വിലാപയാത്ര ജന്മനാട്ടിലേക്ക് വരികയാണ്. വി എസിന്റെ സംസ്കാരത്തോട് അനുബന്ധിച്ച് ആലപ്പുഴ ജില്ലയിൽ ഇന്ന് പൊതു അവധി പ്രഖ്യാപിച്ചിട്ടുണ്ട്. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം

കേരളത്തിന്റെ സമരസൂര്യൻ വി എസ് അച്യുതാനന്ദന്റെ മൃതദേഹവും വഹിച്ചുള്ള വിലാപയാത്ര ജന്മനാട്ടിലേക്ക് വരികയാണ്. വഴിയോരം നിറയെ മഴയെ അവഗണിച്ചും പ്രിയസഖാവിനെ ഒരുനോക്കുകാണാനായി ആയിരക്കണക്കിന് ആളുകളാണ് കാത്തുനിന്നത്.

വി എസിന്റെ സംസ്കാരത്തോട് അനുബന്ധിച്ച് ആലപ്പുഴ ജില്ലയിൽ ഇന്ന് പൊതു അവധി പ്രഖ്യാപിച്ചിട്ടുണ്ട്. ആലപ്പുഴ നഗരത്തിൽ ഇന്ന് പൊലീസ് ഗതാഗത നിയന്ത്രണം ഏർപ്പെടുത്തി. കെഎസ്ആര്‍ടിസി ദീർഘ ദൂര ബസുകൾ ബൈപ്പാസ് വഴി പോകാനും നഗരത്തിലേക്ക് പ്രവേശിക്കരുതെന്നും അറിയിപ്പുണ്ട്.

ഒരിക്കല്‍ പോലും തന്റെ നിലപാടുകളില്‍ വെള്ളം ചേര്‍ക്കാത്ത സമര പോരാളി ആയിരുന്നു വി എസ് അച്യുതാനന്ദനെന്ന് സംവിധായകന്‍ വിനയന്‍. സിപിഎമ്മിന്റെ നാടകസമിതിയുടെ നാടകത്തിൽ നെല്‍വയല്‍ സംരക്ഷണത്തെ വെട്ടിനിരത്തല്‍ ആയി ചിത്രീകരിച്ച് വിഎസ്സിന് വില്ലന്‍ പരിവേഷം കൊടുത്താണ് രചിച്ചത്. എന്‍ ബി ത്രിവിക്രമന്‍ പിള്ള എന്തെങ്കിലും എഴുതി വച്ചാല്‍ ഇല്ലാതാകുന്നതാണോ വി എസ് എന്നാണ് വി എസ് ചോദിച്ചതെന്ന് വിനയന്‍ പറയുന്നു.

ഷൊര്‍ണൂര്‍ - പാലക്കാട് റെയില്‍വേ ട്രാക്കില്‍ ഇരുമ്പു ക്ലിപ്പുകള്‍ കണ്ടെത്തിയ സംഭവത്തില്‍ കേസെടുത്ത് പൊലീസ്. ട്രെയിന്‍ അട്ടിമറി ലക്ഷ്യത്തോടെ ക്ലിപ്പുകള്‍ വച്ചെന്ന കുറ്റത്തിന് ഒറ്റപ്പാലം പൊലീസാണ് കേസെടുത്തിരിക്കുന്നത്.

ഇംഗ്ലണ്ടിനെതിരായ മൂന്നാം വനിതാ ഏകദിനത്തിൽ ഇന്ത്യയ്ക്ക് 13 റൺസ് ജയം. വിജയത്തോടെ ഇന്ത്യ പരമ്പര സ്വന്തമാക്കി. ക്യാപ്റ്റൻ ഹർമൻപ്രീത് കൗറിന്റെ സെഞ്ച്വറിയാണ് മത്സരത്തിലെ സവിശേഷത. ഹർമൻ പ്രീത് 84 പന്തിൽ 102 റൺസെടുത്തു. ഇന്ത്യൻ ക്യാപ്റ്റന്റെ ഏഴാം അർധസെഞ്ച്വറിയാണിത്.