മില്മ പാലിന്റെ വില തല്ക്കാലം കൂട്ടില്ല, എതിര്ത്ത് മലബാര് മേഖല, അഞ്ചംഗ സംഘം പഠിക്കും
തിരുവനന്തപുരം: മില്മ പാലിന്റെ വില തല്ക്കാലം കൂടില്ല. വിഷയത്തില് വിദഗ്ധസമിതിയെ നിയോഗിച്ച് പഠനം നടത്തും. സമിതിയുടെ റിപ്പോര്ട്ടിന്റെ അടിസ്ഥാനത്തില് വില കൂട്ടുന്നത് പരിഗണിക്കും. മില്മ ഫെഡറേഷന്റെ തിരുവനന്തപുരം പട്ടത്തെ ആസ്ഥാനത്തു ചേര്ന്ന ബോര്ഡ് യോഗത്തിലാണ് തീരുമാനം.
വിദഗ്ധസമിതി ഒരു മാസത്തിനുള്ളില് റിപ്പോര്ട്ട് നല്കും. കര്ഷകര്ക്ക് ആശ്വാസകരമായ നടപടി ഉണ്ടാകുമെന്നും അടുത്ത മാസം ചേരുന്ന ബോര്ഡ് യോഗത്തില് അന്തിമതീരുമാനമുണ്ടാകുമെന്നും മില്മ ചെയര്മാന് കെഎസ് മണി പറഞ്ഞു. മില്മ തിരുവന്തപുരം, എറണാകുളം യൂണിയനുകള് വര്ധനയ്ക്ക് അനുകൂല തീരുമാനം എടുത്തിരുന്നു. എന്നാല് മലബാര് മേഖല ഇതിനെ അനുകൂലിച്ചില്ല.
പാല് വില ലിറ്ററിന് 3-4 രൂപ വര്ധിപ്പിക്കുന്നതാണ് ആലോചിച്ചിരുന്നത്. പാലിന് 2019 സെപ്റ്റംബറില് ലിറ്ററിന് 4 രൂപയും 2022 ഡിസംബറില് ലിറ്ററിന് 6 രൂപയും മില്മ കൂട്ടിയിരുന്നു. നിലവില് മില്മ പാല് വില (ടോണ്ഡ് മില്ക്) ലിറ്ററിന് 52 രൂപയാണ്. പ്രതിദിനം 17 ലക്ഷം ലിറ്റര് പാലാണ് മില്മ കേരളത്തില് വില്ക്കുന്നത്.
Milma Milk Price Hike Postponed: Milma milk price hike is currently on hold in Kerala. A five-member committee has been appointed to study the possibility of a price increase, with a report expected within a month.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
