തിരുവനന്തപുരം: വി ഡി സതീശന്‍ സര്‍ക്കാര്‍ അധികാരത്തിലേറി 5 മാസം പിന്നിടുമ്പോള്‍ മന്ത്രിമാരില്‍ ഒ ജെ ജനീഷിന് മാത്രം ഔദ്യോഗിക വസതി ലഭിച്ചില്ല. കായിക, യുവജനക്ഷേമ വകുപ്പ് മന്ത്രിയുടെ താമസം ഇപ്പോഴും തൈക്കാട് ഗസ്റ്റ്ഹൗസിലാണ്. ഓഫീസ് സമയത്തിനു ശേഷം മന്ത്രി സന്ദര്‍ശകരെ കാണുന്നതും നിവേദനം സ്വീകരിക്കുന്നതും മാസങ്ങളായി ഗസ്റ്റ്ഹൗസില്‍ വെച്ചാണ്.
മറ്റ് 19 മന്ത്രിമാരും മന്ത്രി മന്ദിരങ്ങളില്‍ താമസിക്കുമ്പോഴാണ് ജനീഷിന്റെ ഗസ്റ്റ്ഹൗസ് വാസം. പൊതുമരാമത്ത് വകുപ്പിന്റെ നേതൃത്വത്തില്‍ മന്ത്രിക്ക് വസതി ഒരുക്കുമെന്ന് നേരത്തെ അറിയിച്ചിരുന്നെങ്കിലും ഇതുവരെ നടപടിയായില്ല. ജനീഷിന് മന്‍മോഹന്‍ ബംഗ്ലാവും അനൂപ് ജേക്കബിന് സര്‍ക്കാര്‍ ചിലവില്‍ വാടകവീടും നല്‍കാനായിരുന്നു ആദ്യം തീരുമാനം. എന്നാല്‍ പിന്നീട് അനൂപിന് മന്‍മോഹന്‍ ബംഗ്ലാവും ജനീഷിന് വാടകവീടും എന്ന നിലയിലേക്ക് തീരുമാനം മാറി.
സ്വകാര്യവ്യക്തികളുടെ വീട് വാടകക്ക് എടുക്കുന്നതിനുപകരം പൊതുമരാമത്ത് വകുപ്പിന്റെ ഉടമസ്ഥതയിലുള്ള ക്വാര്‍ട്ടേഴ്‌സില്‍ വസതി ഒരുത്തിയാല്‍ മതിയെന്നാണ് ജനീഷ് സര്‍ക്കാരിനെ അറിയിച്ചത്. എന്നാല്‍ ഇതുമായുള്ള തുടര്‍ നടപടികള്‍ ഇഴഞ്ഞു നീങ്ങി. ജവഹര്‍ നഗറിലെ പിഡബ്യുഡി ക്വാര്‍ട്ടേഴ്‌സുകളിലൊന്ന് മന്ത്രിക്ക് അനുവദിച്ച് ഉത്തരിവിറങ്ങിയെങ്കിലും ഇതുവരെ കൈമാറിയിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
