തിരുവനന്തപുരം: സ്വര്ണം കട്ടത് ആരപ്പാ എന്ന പാട്ട് നിയമസഭയില് പാടി വിദ്യാഭ്യാസ മന്ത്രി വി ശിവന്കുട്ടി. ശബരിമല സ്വര്ണക്കൊള്ളയില് പ്രതിപക്ഷത്തിന്റെ പ്രതിഷേധത്തിനിടെയാണ് മന്ത്രി ശിവന്കുട്ടി പാട്ടു പാടിയത്. മാധ്യമങ്ങളെ ആക്രമിക്കാനും സ്പീക്കറെ ആക്രമിക്കാനുമാണ് പ്രതിപക്ഷം ശ്രമിക്കുന്നതെന്നും ശിവന്കുട്ടി കുറ്റപ്പെടുത്തി.
''സ്വര്ണം കട്ടത് ആരപ്പാ... കോണ്ഗ്രസ് ആണേ അയ്യപ്പാ.. സംരക്ഷിക്കുന്നത് ആരപ്പാ... സോണിയാഗാന്ധിയാണേ അയ്യപ്പാ '' എന്നാണ് ശിവന്കുട്ടി പാടിയത്. പാട്ട് ഇങ്ങനെയാണ് എഴുവെക്കേണ്ടിയിരുന്നതെന്നും ശിവന്കുട്ടി അഭിപ്രായപ്പെട്ടു.
സ്പീക്കറുടെ അടുത്തേക്ക് പോകാന് പ്രതിപക്ഷ നേതാവ് യുഡിഎഫ് എംഎല്എമാര്ക്ക് ക്ലാസ് കൊടുത്തു. സ്പീക്കറുടെ ഡയസിന് അടുത്തേക്ക് പോകാനാണ് നിര്ദേശം കൊടുത്തത്. മുഖ്യമന്ത്രിയുടെ ഓഫീസിനു നേരെ ചീത്ത വിളി. മുഖ്യമന്ത്രിക്കെതിരെ ആക്ഷേപം ഉന്നയിക്കല്, സ്പീക്കറെ ആക്രമിക്കാന് ശ്രമിക്കല്.... സര് എന്താണ് നടന്നുകൊണ്ടിരിക്കുന്നത്....
സ്പീക്കര് മുന്കൈയെടുത്ത് സ്കൂള് വിദ്യാര്ത്ഥികളെ പഠിപ്പിക്കുന്നതിനു മുമ്പ്, പ്രതിപക്ഷത്തെ എംഎല്എമാരെ ഭരണഘടന പഠിപ്പിക്കണം. എന്നാല് മാത്രമേ നിയമസഭ നല്ല രീതിയില് കൊണ്ടുപോകാന് കഴിയുകയുള്ളൂവെന്നും മന്ത്രി വി ശിവന്കുട്ടി പറഞ്ഞു. ശബരിമല സ്വര്ണക്കൊള്ള അന്വേഷണം വഴിമുട്ടിയെന്ന് ആരോപിച്ചാണ് പ്രതിപക്ഷം നിയമസഭയില് പ്രതിഷേധിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
