തൃശൂര്‍: തൃശൂര്‍ പൂരത്തിന്റെ ടൂറിസം സാധ്യതകള്‍ വലുതാണെന്ന് മന്ത്രി മുഹമ്മദ് റിയാസ്. ലോക ശ്രദ്ധ ആകര്‍ഷിച്ച പൂരമാണ് തൃശൂര്‍ പൂരം. അതുകൊണ്ടു തന്നെ ടൂറിസം സാധ്യതകളും വലുതാണ്. ഈ സാഹചര്യത്തില്‍ സുരക്ഷയ്ക്ക് വലിയ പ്രാധാന്യമാണ് നല്‍കുന്നതെന്നും മുഹമ്മദ് റിയാസ് പറഞ്ഞു.
പുരത്തോടനുബന്ധിച്ച് പൊതുമരാമത്തിന്റെ റോഡുകളിലെ ജോലികള്‍ വേഗത്തില്‍ പൂര്‍ത്തിയാക്കാന്‍ നിര്‍ദേശം നല്‍കി. പൂരത്തിന് സംസ്ഥാന സര്‍ക്കാര്‍ വലിയ പരിഗണനയാണ് നല്‍കുന്നത്. അതിന്റെ ഭാഗമായാണ് 15 ലക്ഷം രൂപ ധനസഹായമായി നല്‍കിയതെന്നും പുരത്തിന്റെ ഭാഗമായി നടന്ന അവലോകന യോഗത്തിനു ശേഷം അദ്ദേഹം പറഞ്ഞു.
വെടിക്കെട്ട് കാണാന്‍ കൂടുതല്‍പേര്‍ക്ക് അവസരമൊരുക്കുമെന്ന് മന്ത്രി കെ രാജന്‍ അറിയിച്ചു. ഇതിനായി പെസോയുടെ അനുമതി വാങ്ങും. പെസേയുടെ പ്രതിനിധികളോട് തൃശൂരിലെത്താന്‍ ആവശ്യപ്പെട്ടിട്ടുണ്ടെന്നും അദ്ദേഹം അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
