കൂടുതൽ ഇളവുകൾ വരുന്നു, ലോക്ക്ഡൗൺ നിയന്ത്രണത്തെക്കുറിച്ച് ചർച്ച ചെയ്യാൻ ഇന്ന് മന്ത്രിസഭാ യോ​ഗം

തിരുവനന്തപുരം; സംസ്ഥാനത്ത് കോവിഡ് വ്യാപനം കുറയുന്നത് ആസ്വാസകരമാകുന്നുണ്ട്. എന്നാൽ ഒറ്റയടിക്ക് ലോക്ക്ഡൗൺ പിൻവലിക്കാനാവില്ലെന്നാണ് സർക്കാർ നിലപാട്. ഇന്ന് ചേരുന്ന മന്ത്രിസഭാ യോ​ഗത്തിൽ നിലവിലെ കൊവിഡ് സ്ഥിതിയും ലോക്ഡൗൺ നിയന്ത്രണങ്ങളും ചർച്ചയാവും. 

കൊവിഡ് കേസുകൾ കുറയുന്ന സാഹചര്യം ഗുണകരമാണെന്നാണ് പൊതുവായ വിലയിരുത്തൽ. ലോക്ക്ഡൗൺ പിൻവലിക്കാതെ കൂടുതൽ ഇളവുകൾ കൊണ്ടുവരാനാണ് ആലോചന. ടെസ്റ്റ് പോസിറ്റിവിറ്റി നിരക്കു കുറഞ്ഞെങ്കിലും ആശങ്ക അകന്നിട്ടില്ല. അതിനാൽ നിയന്ത്രണങ്ങൾ തുടരും. 

80 : 20 എന്ന ന്യൂനപക്ഷ സ്കോളർഷിപ്പ് അനുപാതം ഹൈക്കോടതി റദ്ദാക്കിയ സാഹചര്യം ക്യാബിനറ്റ് ഇന്ന് ചർച്ച ചെയ്യാൻ സാധ്യതയുണ്ട്. നിയമവകുപ്പിനോട് വിശദമായ പരിശോധനയ്ക്കാണ് മുഖ്യമന്ത്രി ആവശ്യപ്പെട്ടത്. അപ്പീൽ പോകണമെന്നും വേണ്ടെന്നും അഭിപ്രായം നിലനിൽക്കെ സർക്കാരിന്റെ തീരുമാനം ഇക്കാര്യത്തിൽ നിർണായകമാണ്.