തിരുവനന്തപുരം: കേന്ദ്രമന്ത്രി എസ് ജയശങ്കര് പങ്കെടുത്ത തെരഞ്ഞെടുപ്പ് പരിപാടിയില് പേര് പരാമര്ശിക്കാത്തതില് പ്രകോപിതയായി വട്ടിയൂര്ക്കാവിലെ എന്ഡിഎ സ്ഥാനാര്ഥി ആര് ശ്രീലേഖ വേദിയില് നിന്ന് ഇറങ്ങിപ്പോയി. കേന്ദ്രമന്ത്രി പരാമര്ശിച്ചത് ബിജെപി സംസ്ഥാന അധ്യക്ഷനും നേമത്തെ എന്ഡിഎ സ്ഥാനാര്ഥിയായ രാജീവ് ചന്ദ്രശേഖരന്റെ പേരുമാത്രമാണ്. പിന്നീട് നേതാക്കള് അനുനയിപ്പിച്ച് ശ്രീലേഖയെ തിരികെ വേദിയില് എത്തിക്കുകയായിരുന്നു.
വട്ടിയൂര്ക്കാവ് മണ്ഡലത്തിലെ തെരഞ്ഞെടുപ്പ് പരിപാടിക്കായാണ് കേന്ദ്രമന്ത്രിയെത്തിയത്. അവിടുത്തെ സ്ഥാനാര്ഥിയായ തന്റെ പേര് പരാമര്ശിക്കാതെ സമീപ മണ്ഡലത്തിലെ സ്ഥാനാര്ഥിയുടെ പേര് മാത്രം കേന്ദ്രമന്ത്രി പരാമര്ശിച്ചതാണ് ശ്രീലേഖയെ ചൊടിപ്പിച്ചത്. തുടര്ന്ന് പ്രതിഷേധിച്ച് വേദിയില് നിന്ന് ശ്രീലേഖ ഇറങ്ങിപ്പോകുകയായിരുന്നു. പിന്നീട് നേതാക്കളെല്ലാം അടുത്തെത്തി അവരെ അനുനയിപ്പിക്കുകയായിരുന്നു.
വേദിയിലുണ്ടായിരുന്ന രാജീവ് ചന്ദ്രശേഖരനോടും മേയര് വിവി രാജേഷിനോടും തന്റെ അതൃപ്തി അറിയിക്കുകയും ചെയ്തു. അനുനയിപ്പിക്കാന് ശ്രമിച്ച ബിജെപി സംസ്ഥാന ഉപാധ്യക്ഷന് ജി സോമനോട് ശ്രീലേഖ കയര്ത്തു സംസാരിക്കുകയും ചെയ്തു. ഒടുവില് നേതാക്കളുടെ അനുനയനത്തിന് വഴങ്ങി ശ്രീലേഖ തിരികെ വേദിയില് എത്തുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
