തിരുവനന്തപുരം: നേമത്ത് ഒരു തവണ എംഎല്എയായിട്ടുണ്ടെന്നത് അല്ലാതെ വേറെ ബന്ധമൊന്നുമില്ലെന്ന് ബിജെപി നേതാവ് ഒ രാജഗോപാല്. നേമത്തെ തിരഞ്ഞെടുപ്പ് സ്ഥിതി എന്താണെന്ന മാധ്യമപ്രവര്ത്തകരുടെ ചോദ്യത്തോടു പ്രതികരിക്കുകയായിരുന്നു അദ്ദേഹം. രണ്ട് മുന്നണി
കളും മാറി മാറി ഭരിക്കുന്ന സാഹചര്യത്തില് മാറ്റം വേണമെന്ന് ജനങ്ങള് ആഗ്രഹിക്കുന്നതായും മാറ്റത്തിന് വേണ്ടി വോട്ട് ചെയ്തിട്ടുണ്ടെന്നും അദ്ദേഹം മാധ്യമങ്ങളോട് പറഞ്ഞു.
നേമത്ത് കെ മുരളീധരന്റെ വാഹനത്തിന് നേരേ കല്ലെറിഞ്ഞത് ശരിയായ ഏര്പ്പാടല്ലെന്ന് രാജഗോപാല് പറഞ്ഞു. ആക്രമണം നടത്തിയത് ബിജെപി പ്രവര്ത്തകരാണെന്ന് അവര് പറയുന്നതാണ്.
പരാജയഭീതി കൊണ്ടാണ് ബിജെപി ഇത്തരം ആക്രമണങ്ങള് നടത്തുന്നതെന്ന് മുരളീധരന് ആരോപിച്ചല്ലോ എന്ന ചോദ്യത്തിന് അദ്ദേഹം അങ്ങനെ പറയുന്നുണ്ടെങ്കില് അതില് എന്തെങ്കിലും കാര്യമുണ്ടായിരിക്കുമെന്നും രാജഗോപാല് മറുപടി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
