കൃഷി വകുപ്പ് പ്രിന്സിപ്പല് സെക്രട്ടറി ബി അശോകിന്റെ സ്ഥലംമാറ്റത്തില് സര്ക്കാരിന് വീണ്ടും തിരിച്ചടി. ബി അശോകിനെ സ്ഥലംമാറ്റിയത് കേന്ദ്ര അഡ്മിനിസ്ട്രേറ്റീവ് ട്രൈബ്യൂണല് സ്റ്റേ ചെയ്തു. അശോകിനെ കൃഷി വകുപ്പില് തന്നെ നിലനിര്ത്താന് ട്രൈബ്യൂണല് ഉത്തരവിട്ടിട്ടുണ്ട്. ബി അശോകിന്റെ ഹര്ജിയില് വിശദമായ വാദം പിന്നീട് കേള്ക്കുമെന്ന് ട്രൈബ്യൂണല് വ്യക്തമാക്കി..ലോക്സഭാ തെരഞ്ഞെടുപ്പിലെ വോട്ടര്പട്ടിക ക്രമക്കേടില് കേന്ദ്രമന്ത്രി സുരേഷ് ഗോപിയ്ക്കെതിരെ കേസെടുക്കില്ല. കേസെടുക്കാനുള്ള തെളിവുകളോ രേഖകളോ ഇല്ലെന്ന് പൊലീസ് വ്യക്തമാക്കി. തൃശ്ശൂരില് സുരേഷ് ഗോപിയും കുടുംബവും വോട്ടര്പട്ടികയില് പേരുചേര്ത്തതുമായി ബന്ധപ്പെട്ട് മുന് എംപി ടിഎന് പ്രതാപനാണ് പരാതി നല്കിയത്..ബലാത്സംഗക്കേസില് പ്രതിയായ നടന് സിദ്ദിഖിന് ഒരുമാസത്തെ വിദേശസന്ദര്ശനത്തിന് അനുമതി. തിരുവനന്തപുരം ഒന്നാം ക്ലാസ് ജുഡീഷ്യല് മജിസ്ട്രേട്ട് കോടതിയാണ് അനുമതി നല്കിയത്. യുഎഇ, ഖത്തര് തുടങ്ങിയ രാജ്യങ്ങളില് പോകാന് അനുമതി വേണമെന്ന് ആവശ്യപ്പെട്ട് സിദ്ദിഖ് ഹര്ജി സമര്പ്പിച്ചിരുന്നു..കുന്നംകുളം സ്റ്റേഷനിലെ കസ്റ്റഡിയില് യൂത്ത് കോണ്ഗ്രസ് നേതാവ് സുജിത്തിനെ ക്രൂരമായി മര്ദിച്ച പൊലീസുകാരെ പിരിച്ചുവിടണമെന്നാവശ്യപ്പെട്ട് നിയമസഭാ കവാടത്തില് അനിശ്ചിതകാല സത്യഗ്രഹവുമായി പ്രതിപക്ഷം. എംഎല്എമാരായ ടിജെ സനീഷ് കുമാര് ജോസഫും എംകെഎം അഷ്റഫുമാണ് സത്യഗ്രഹം ഇരിക്കുന്നതെന്ന് പ്രതിപക്ഷ നേതാവ് വിഡി സതീശന് മാധ്യമങ്ങളോട് പറഞ്ഞു..പീച്ചി പൊലീസ് സ്റ്റേഷന് മര്ദനത്തില് എസ്ഐ പിഎം രതീഷിനെ സസ്പെന്ഡ് ചെയ്തു. തൃശൂര് റേഞ്ച് ഡിഐജിയുടെ റിപ്പോര്ട്ടിന്റെ അടിസ്ഥാനത്തില് ദക്ഷിണ മേഖല ഐജിയുടെതാണ് നടപടി. നിലവില് കടവന്ത്ര എസ്എച്ച്ഒയാണ് പിഎം രതീഷ്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
