ന്യുമോണിയ; യുകെ മലയാളിയായ ഒൻപതുകാരൻ മരിച്ചു

ലണ്ടൻ: യുകെയിൽ മലയാളിയായ ഒൻപത് വയസുകാരൻ ന്യുമോണിയ ബാധിച്ചു മരിച്ചു. മാഞ്ചസ്റ്ററിൽ താമസിക്കുന്ന ഷാജി കല്ലടാന്തിയിൽ, പ്രിനി ദമ്പതികളുടെ മകൻ ജോൺ പോൾ കല്ലടാന്തിയിൽ ആണ് മരിച്ചത്. ചകിത്സയിലിരിക്കെയാണ് മരണം. 

കോട്ടയം നീണ്ടൂർ സ്വദേശികളാണ് ജോൺ പോളിന്റെ മാതാപിതാക്കൾ. ഓ​ഗസ്റ്റ് ആറിനാണ് കുട്ടി മരിച്ചത്. ലോക യുവജന സം​ഗമത്തിൽ പങ്കെടുക്കാൻ പോർച്ചു​ഗലിൽ പോയ ജോൺ പോളിന്റെ സഹോദരൻമാരിൽ ഒരാൾ തിരിച്ചു വന്നില്ല. കഴിഞ്ഞ ദിവസമാണ് സഹോദരൻ തിരിച്ചെത്തിയത്. ഇതിനാലാണ് മരണ വിവരം പുറത്തു വിടാതിരുന്നത്. 

റയാൻ, റൂബൻ, റിയോൺ, പരേതയായ ഇസബെൽ എന്നിവരാണ് ജോൺ പോളിന്റെ സഹോദരങ്ങൾ. 2020ൽ പത്താം വയസിലാണ് ഇസബെൽ മരിച്ചത്. കുട്ടിയുടെ സംസ്കാര ചടങ്ങുകൾ ഈ മാസം 18നു രാവിലെ പത്ത് മണിക്കു വിഥിൻഷോ സെന്റ് ആന്റണീസ് കാത്തോലിക് ചർച്ചിൽ വച്ച് നടക്കും. 

ഈ വാര്‍ത്ത കൂടി വായിക്കൂ

ഓഗസ്റ്റ് 17വരെ വോട്ടര്‍ പട്ടികയില്‍ പേര് ചേര്‍ക്കാം; പുതുപ്പള്ളി ഉപതെരഞ്ഞെടുപ്പ് വിജ്ഞാപനം പുറത്തിറങ്ങി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ