തിരുവനന്തപുരം: പൊലീസ് തലപ്പത്ത് അഴിച്ചുപണി. എസ് ശ്രീജിത്തിനെ പുതിയ ക്രൈംബ്രാഞ്ച് മേധാവിയായി നിയമിച്ചു. ബി സന്ധ്യയാണ് ഫയര്‍ഫോഴ്‌സ് മേധാവി. സുധേഷ് കുമാറാണ് പുതിയ വിജിലന്‍സ് മേധാവി. സ്പര്‍ജന്‍ കുമാര്‍ ക്രൈംബ്രാഞ്ച് ഐജിയാകും.
വിജയ് സാഖറയെ ക്രമസമാധാന ചുമതലയുള്ള എഡിജിപിയാക്കി. എഡിജിപി അനില്‍കാന്തിനെ റോഡ് സുരക്ഷാ കമ്മീഷണറായി നിയമിച്ചു. യോഗേഷ് ഗുപ്തയാണ് പുതിയ ബെവ്‌കോ എംഡി. ഷെയ്ക് ദര്‍വേഷ് സാഹേബിന് കേരള പൊലീസ് അക്കാദമി ഡയറക്ടര്‍ എഡിജിപി ട്രെയിനിങ് ചുമതല.
കമ്മീഷണര്‍മാര്‍ക്കും മാറ്റമുണ്ട്. സിഎച്ച് നാഗരാജുവാണ് പുതിയ കൊച്ചി കമ്മീഷണര്‍. ആര്‍ ഇളങ്കോ കണ്ണൂര്‍ കമ്മീഷണറുമാകും. എ അക്ബറിനെ തൃശൂര്‍ റേഞ്ച് ഡിഐജിയായി നിയമിച്ചു.
കെബി രവിയാണ് പുതിയ കൊല്ലം എസ്പി. രാജീവ് പിബി പത്തനംതിട്ട എസ്പി, സുജിത് ദാസ് പാലക്കാട് എസ്പി. കണ്ണൂര്‍ എസ്പിയായിരുന്ന യതീഷ് ചന്ദ്രയെ മാറ്റി. യതീഷ് ചന്ദ്രയ്ക്ക് കെഎപി 4ന്റെ ചുമതല നല്‍കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
