പൊലീസ് ആസ്ഥാനത്തിനു മുന്നിൽ ഏറ്റുമുട്ടി പൊലീസുകാർ; സീനിയർ സിവിൽ ഓഫീസർക്ക് മർദ്ദനം

തിരുവനന്തപുരം: പൊലീസ് ആസ്ഥാനത്തിനു മുന്നിൽ പൊലീസുകാർ തമ്മിലടിച്ചു. പൊലീസ് ആസ്ഥാനത്തു ​ഗാർഡ് ഡ്യൂട്ടി ചെയ്യുന്ന പൊലീസുകാരൻ മ്യൂസിയം സേറ്റേഷനിലെ പൊലീസുകാരനെ മർദ്ദിച്ചുവെന്നാണ് പരാതി.

മ്യൂസിയം സ്റ്റേഷനിലെ സീനിയർ സിവിൽ പൊലീസ് ഓഫീസർ വിശാഖിനാണ് മർദ്ദനമേറ്റത്. കിരൺ എന്ന പൊലീസുകാരനെതിരെ മ്യൂസിയം സ്റ്റേഷനിലാണ് പരാതി പരാതി നൽകിയത്.

ഗാർഡ് ഡ്യൂട്ടിയിലുണ്ടായിരുന്ന പൊലീസുകാരന്റെ അമ്മയുടെ കാർ മാറ്റിയിടാൻ ട്രാഫിക്ക് ഡ്യൂട്ടിയിലുണ്ടായിരുന്ന പൊലീസുകാരൻ ആവശ്യപ്പെട്ടതാണ് പ്രകോപനത്തിനു കാരണമായത്.