പോളിടെക്നിക്  പ്രവേശനം : സ്പോട്ട് അഡ്മിഷൻ  മാറ്റി;  എം. ടെക് സ്‌പോട്ട് അഡ്മിഷൻ നാളെ

തിരുവനന്തപുരം :  ബുറേവി ചുഴലിക്കാറ്റിന്റെ പശ്ചാത്തലത്തിൽ തിരുവനന്തപുരം, കൊല്ലം, ആലപ്പുഴ, പത്തനംതിട്ട, ഇടുക്കി എന്നീ ജില്ലകളിലെ പോളിടെക്നിക് കോളേജുകളിൽ ഇന്നു നടത്താനിരുന്ന സ്പോട് അഡ്മിഷൻ മാറ്റിവെച്ചു. അഡ്മിഷൻ നാളെ നടക്കും.  അഡ്മിഷനിൽ പങ്കെടുക്കുന്നവർ വിശദവിവരങ്ങൾക്ക് www.polyadmission.org എന്ന വെബ്‌സൈറ്റ് സന്ദർശിക്കണം  

തിരുവനന്തപുരം കോളേജ് ഓഫ് എൻജിനിയറിങിൽ എം.ടെക് കോഴ്‌സിൽ ഇൻഡസ്ട്രിയൽ എൻജിനിയറിംഗിലും എം.പ്ലാനിംഗ് (ഹൗസിങ്) ലും സ്റ്റേറ്റ് മെരിറ്റിൽ ഒഴിവുള്ള ഓരോ സീറ്റിൽ നാളെ (ഡിസംബർ 5) സ്‌പോട്ട് അഡ്മിഷൻ നടക്കും.  വിദ്യാർഥികൾ അസ്സൽ സർട്ടിഫിക്കറ്റുകൾ സഹിതം രാവിലെ ഒൻപതിന് കോളേജിൽ ഹാജരാകണം.  വിശദവിവരങ്ങൾക്ക്: www.cet.ac.in.