കോട്ടയം : കോണ്ഗ്രസ് ഡിസിസി പ്രസിഡന്റ് പുനഃസംഘടന ഗ്രൂപ്പ് തര്ക്കത്തെത്തുടര്ന്ന് വഴിമുട്ടി നില്ക്കെ, മുന് മുഖ്യമന്ത്രി ഉമ്മന്ചാണ്ടിക്കെതിരെ കോട്ടയത്ത് പോസ്റ്ററുകള്. ഉമ്മന്ചാണ്ടി കോണ്ഗ്രസിന്റെ അന്തകനോ എന്നു ചോദിച്ചുകൊണ്ടുള്ളതാണ് പോസ്റ്ററുകള്. കോട്ടയം നഗരത്തിലും ഡിസിസി ഓഫീസ് പരിസരത്തുമാണ് പോസ്റ്ററുകള് പ്രത്യക്ഷപ്പെട്ടത്.
ഡിസിസി അധ്യക്ഷസ്ഥാനത്തേക്ക് പരിഗണിക്കുന്നവര്ക്കെതിരെയും പോസ്റ്ററുകള് പ്രത്യക്ഷപ്പെട്ടിട്ടുണ്ട്. ജില്ലാ കോണ്ഗ്രസ് കമ്മിറ്റിയുടെ തലപ്പത്തേക്ക് കഞ്ചാവ് കടത്തുന്നവനും ചൂതാട്ട കേന്ദ്രം നടത്തുന്നവനുമോ എന്നാണ് പോസ്റ്ററില് ചോദിക്കുന്നത്. സേവ് കോണ്ഗ്രസ് എന്ന പേരിലാണ് പോസ്റ്ററുകള്.
കോട്ടയത്ത് എ ഗ്രൂപ്പിലും ഭിന്നതയുണ്ട്. ഉമ്മന്ചാണ്ടിയും കെ സി ജോസഫും അടങ്ങുന്ന ഒരു വിഭാഗവും തിരുവഞ്ചൂര് രാധാകൃഷ്ണന്റെ നേതൃത്വത്തില് മറ്റൊരു വിഭാവും എ ഗ്രൂപ്പില് ഉണ്ടെന്നാണ് റിപ്പോര്ട്ടുകള്. കോട്ടയം ഡിസിസി അധ്യക്ഷസ്ഥാനത്തേക്ക് യൂജിന് തോമസ്, നാട്ടകം സുരേഷ് തുടങ്ങി നിരവധി പേരുകള് ഉയര്ന്നു കേള്ക്കുന്നുണ്ട്.
ഇതിനിടെ ഡിസിസി പ്രസിഡന്റ് സ്ഥാനത്തേക്ക് താനില്ലെന്ന് ഉമ്മന്ചാണ്ടിയുടെ മകന് ചാണ്ടി ഉമ്മന് കഴിഞ്ഞദിവസം വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
