പിഎസ്‌സി ചെയര്‍മാനെ പുറത്താക്കാന്‍ ശുപാര്‍ശ, അധിക്ഷേപ പരാമര്‍ശവുമായി ഖാര്‍ഗെ; ഇന്നത്തെ 5 പ്രധാന വാര്‍ത്തകള്‍

കേരള പിഎസ്‌സി ചെയര്‍മാന്‍ ഡോ. എംആര്‍ ബൈജുവിനെ പുറത്താക്കാന്‍ സംസ്ഥാന ഗവര്‍ണര്‍ രാഷ്ട്രപതിക്ക് ശുപാര്‍ശ നല്‍കി. സംസ്ഥാന ചരിത്രത്തില്‍ ആദ്യമായാണ് ഇത്തരമൊരു ശുപാര്‍ശ. പട്‌നയിലെ പൊതുപരിപാടിക്കിടെ പ്രധാനമന്ത്രി നരേന്ദ്ര മോദിക്കെതിരെ കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയുടെ അധിക്ഷേപ പരാമര്‍ശം, വോ്ട്ടുകൊള്ളയില്‍ മോദിയല്ല, മോദിയുടെ അച്ഛന്‍ വരെ ജയിലിലാകുമെന്നായിരുന്നു പരാമര്‍ശം. കനത്ത മഴയുടെ പശ്ചാത്തലത്തില്‍ പാലക്കാട്ടും വയനാട്ടിലും തിങ്കളാഴ്ച അവധി പ്രഖ്യാപിച്ചു. ഇന്നത്തെ അഞ്ച് പ്രധാന വാര്‍ത്തകളറിയാം.

പിഎസ്‌സി ചെയര്‍മാന്‍ ഡോ. എംആര്‍ ബൈജുവിനെ പുറത്താക്കാന്‍ രാഷ്ട്രപതി ദ്രൗപദി മുര്‍മുവിന് ഗവര്‍ണര്‍ ശുപാര്‍ശ നല്‍കി. ഗവര്‍ണര്‍ രാജേന്ദ്ര ആര്‍ലേക്കര്‍ സ്ഥാനമൊഴിയുന്നതിന് ഒരാഴ്ച മുമ്പാണ്, തന്റെ സവിശേഷ അധികാരം ഉപയോഗിച്ച് രാഷ്ട്രപതിക്ക് ശുപാര്‍ശ സമര്‍പ്പിച്ചത്.

മോദിക്കെതിരെ കേസ് എടുത്ത് ജയിലില്‍ അടയ്ക്കുമെന്ന് ഖാര്‍ഗെ പറഞ്ഞപ്പോള്‍ സദസില്‍ നിന്ന് ഒരാള്‍ എഴുന്നേറ്റ് മോദി എവിടെയും പോകില്ല. ഇരിക്കുന്നിടത്ത് തന്നെ ഇരിക്കുമെന്ന് പറഞ്ഞപ്പോഴാണ് കോണ്‍ഗ്രസ് അധ്യക്ഷന്‍ പ്രകോപിതനായത്. മോദിയല്ല, മോദിയുടെ അച്ഛന്‍ പോലും പോകുമെന്നായിരുന്നു ഖാര്‍ഗെയുടെ മറുപടി.

കനത്ത മഴ തുടരുന്ന സാഹചര്യത്തില്‍ പാലക്കാട് ജില്ലയിൽ മുഴുവന്‍ വിദ്യാഭ്യാസ സ്ഥാപനങ്ങള്‍ക്കും വയനാട്ടില്‍ ദുരിതാശ്വാസ ക്യാമ്പുകളായി പ്രവർത്തിക്കുന്ന സ്കൂളുകൾക്കും നാളെ (ഒക്ടോബർ 26) അവധി പ്രഖ്യാപിച്ചു

നഷ്ടപരിഹാരത്തിലും ചികിത്സാ ധനസഹായത്തിലും 25 ശതമാനം വര്‍ധന വരുത്തി. മരണപ്പെടുന്നവരുടെ കുടുംബങ്ങള്‍ക്കുള്ള നഷ്ടപരിഹാരം 14 ലക്ഷത്തില്‍ നിന്ന് 17.5 ലക്ഷം രൂപയായി ഉയര്‍ത്തി. പാമ്പ്, തേനീച്ച, കടന്നല്‍ എന്നിവയുടെ ആക്രമണത്തില്‍ മരിക്കുന്നവരുടെ ആശ്രിതര്‍ക്കുള്ള സഹായം 4 ലക്ഷത്തില്‍ നിന്ന് 5 ലക്ഷം രൂപയാക്കി.

ചേരാനെല്ലൂരില്‍ ആഡംബര കാര്‍ ഇടിച്ച് തട്ടുകട നടത്തുന്ന മാഞ്ഞാലി സ്വദേശി ജയബാലകൃഷ്ണന്‍ മരിച്ച അപകടത്തില്‍ അഡീഷണല്‍ ജഡ്ജിയുടെ പതിനേഴുകാരനായ മകനെ സ്‌റ്റേഷന്‍ ജാമ്യത്തില്‍ വിട്ടയച്ചു. പ്രതിയെ ജുവനൈല്‍ ജസ്റ്റിസ് ബോര്‍ഡില്‍ ഹാജരാക്കിയില്ല.