കൊച്ചി: കുന്നത്തുനാട്ടിലെ എല്‍ഡിഎഫ് സ്ഥാനാര്‍ഥി പി വി ശ്രീനിജന്റെ പേരില്‍ 10.59 കോടി രൂപയുടെ ആസ്തി. നാമനിര്‍ദേശ പത്രികയ്‌ക്കൊപ്പം സമര്‍പ്പിച്ച സത്യവാങ്മൂലത്തില്‍ സ്വത്തുവകകളെ സംബന്ധിച്ച് നല്‍കിയിരിക്കുന്ന വിവരങ്ങള്‍ ഇങ്ങനെയാണ്.
ഭാര്യയ്ക്ക് 4.07 കോടി രൂപയുടെ ആസ്തിയുണ്ട്. ശ്രീനിജന്റേയും ഭാര്യയുടേയും കയ്യില്‍ 25,000 രൂപ വീതമുണ്ട്. ശ്രീനിജന്റെ പേരില്‍ വിവിധ ബാങ്കുകളിലായി 61.70 ലക്ഷം രൂപയുടെ നിക്ഷേപവും, 13.03 ലക്ഷം രൂപയുടെ പോളിസിയുമുണ്ട്.
ഭാര്യയുടെ പേരില്‍ വിവിധ ബാങ്കുകളിലായി 84.99 ലക്ഷം രൂപയുടേയും, മക്കളുടെ പേരില്‍ 31.60 ലക്ഷം രൂപയുടെ നിക്ഷേപവുമുണ്ട്. ശ്രീനിജന്റെ കയ്യില്‍ 600 ഗ്രാം സ്വര്‍ണവും, ഭാര്യയുടെ പക്കല്‍ 800 ഗ്രാം സ്വര്‍ണവും, മക്കള്‍ക്ക് 400 ഗ്രാം സ്വര്‍ണവുമുണ്ട്.
167 ആര്‍ കാര്‍ഷിക ഭൂമിയും, 3.29 ആര്‍ കാര്‍ഷികേതര ഭൂമിയുമാണ് ശ്രീനിജന്റെ പേരിലുള്ളത്. 2500 ചതുരശ്രയടി വിസ്തീര്‍ണമുള്ള വീടും, 1600 ചതുരശ്രയടിയുള്ള വാണിജ്യ കെട്ടിടവുമുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
