'രാഹുലിനെ തള്ളാനും കൊള്ളാനും ഞങ്ങളില്ല; പാര്‍ട്ടി ആരെയും ഊരു വിലക്ക് ഏര്‍പ്പെടുത്താറില്ല'

രാഹുലിനെതിരായ കേസില്‍ പാര്‍ട്ടിയുടെ ഒരു നേതാവും ഇന്‍വോള്‍വ് ചെയ്തിട്ടില്ലെന്ന് എ ​തങ്കപ്പൻ
A Thankappan
Palakkad DCC President A Thankappan
Updated on
1 min read

പാലക്കാട്:  രാഹുല്‍ മാങ്കൂട്ടത്തിലുമായി ബന്ധപ്പെട്ട വിഷയം തദ്ദേശ തെരഞ്ഞെടുപ്പില്‍ ബാധിക്കില്ലെന്ന് പാലക്കാട് ജില്ലാ കോണ്‍ഗ്രസ് അധ്യക്ഷന്‍ എ തങ്കപ്പന്‍. കോണ്‍ഗ്രസ് പാര്‍ട്ടി ആരെയും ഊരു വിലക്ക് ഏര്‍പ്പെടുത്താറില്ല. പാര്‍ട്ടി നടപടിയെടുത്ത രാഹുല്‍ മാങ്കൂട്ടത്തിലിനെ ജില്ലാ കമ്മിറ്റി ഒരു ഔദ്യോഗിക പരിപാടിയിലും സഹകരിപ്പിച്ചിട്ടില്ലെന്ന് തങ്കപ്പന്‍ പറഞ്ഞു.

A Thankappan
'ഉദിച്ചുയരേണ്ട താരങ്ങളൊക്കെ ഉദിച്ചുയരും, അല്ലാത്തത് അസ്തമിക്കും'; രാഹുലിനെതിരെ നിലപാട് കടുപ്പിച്ച് കെ മുരളീധരന്‍

കോണ്‍ഗ്രസ് പാര്‍ട്ടി അന്നേ നടപടിയെടുത്തിട്ടുള്ളതാണ്. ഇപ്പോഴും ആ നടപടിയില്‍ പാര്‍ട്ടി ഉറച്ചു നില്‍ക്കുകയാണ്. പ്രചാരണത്തിന് വന്നത് അദ്ദേഹത്തിന്റെ സ്വന്തം ഇഷ്ടത്തിലാണ്. അദ്ദേഹത്തിനെതിരായ കേസില്‍ പാര്‍ട്ടിയുടെ ഒരു നേതാവും ഇന്‍വോള്‍വ് ചെയ്തിട്ടില്ല. രാഹുലിന്റെ പങ്കാളിത്തം ഇന്നുവരെയുള്ള തെരഞ്ഞെടുപ്പ് പ്രചാരണത്തില്‍ ഇല്ലെന്നും തങ്കപ്പന്‍ പറഞ്ഞു.

രാഹുലുമായി ആലോചിച്ചോ, ചിന്തിച്ചിട്ടോ, സഹായം തേടിയോ ഒന്നും തെരഞ്ഞെടുപ്പ് പരിപാടിയില്‍ നടത്തിയിട്ടില്ല. അതുകൊണ്ടു തന്നെ രാഹുല്‍ മാങ്കൂട്ടത്തില്‍ പാലക്കാട് വന്നാലും പോയാലും പാര്‍ട്ടിയെ ബാധിക്കില്ല. ഇനി ജാമ്യം ലഭിച്ചാലും പങ്കെടുപ്പിക്കില്ല. പാലക്കാട് റെക്കോര്‍ഡ് ഭൂരിപക്ഷത്തില്‍ കോണ്‍ഗ്രസ് വിജയിക്കും.

A Thankappan
'ഗര്‍ഭസ്ഥ ശിശുവിന് മൂന്നുമാസം വളര്‍ച്ച, രാഹുല്‍ കഴിപ്പിച്ചത് ജീവന്‍ അപകടത്തിലായേക്കാവുന്ന മരുന്ന്; ഭ്രൂണഹത്യയ്ക്ക് ശേഷം മാനസികമായി തകര്‍ന്നു'

രാഹുലിനെ തള്ളാനും കൊള്ളാനും ഞങ്ങളില്ല. അദ്ദേഹത്തെ ഉള്‍ക്കൊണ്ടിട്ടുമില്ല, തള്ളിയിട്ടുമില്ല. അതവിടെ നില്‍ക്കട്ടെ. എന്തായാലും അദ്ദേഹത്തിനെതിരെ ഇത്രകാലമില്ലാത്ത ഒരു പരാതി വന്നിട്ടുണ്ട്. കോടതിയിലാണ് കേസ്. കോടതി അതില്‍ തീര്‍പ്പുകല്‍പ്പിക്കട്ടെ. പരാതി രാഷ്ട്രീയപ്രേരിതമാണെന്നും ഇപ്പോള്‍ പറയുന്നില്ല. ഇത്രകാലം വരാത്ത സംഭവം ഈ സമയത്ത് കൊട്ടിഘോഷിച്ചു വന്നതിൽ സംശയമുണ്ടെന്നും എ തങ്കപ്പന്‍ കൂട്ടിച്ചേര്‍ത്തു.

Summary

Palakkad DCC President A Thankappan says Rahul Mamkootathil issue will not affect local body elections

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Related Stories

No stories found.
X
logo
Samakalika Malayalam - The New Indian Express
www.samakalikamalayalam.com