പെരിന്തൽമണ്ണ: കോവിഡ് രോഗിയായ യുവതിയെ പീഡിപ്പിക്കാൻ ശ്രമിച്ചയാൾ പൊലീസ് പിടിയിൽ.ഏപ്രിൽ 27ന് പുലർച്ചെ സ്കാനിങ്ങിനായി കൊണ്ടുപോകുമ്പോഴാണ് പീഡന ശ്രമം നടന്നത്. സ്വകാര്യ ആംബുലൻസിലെ അറ്റൻഡറായ പുലാമന്തോൾ സ്വദേശി പ്രശാന്ത് ആണ് പിടിയിലായത്.
പെരിന്തൽമണ്ണയിലെ സ്വകാര്യ ആശുപത്രിക്ക് കീഴിൽ ചികിത്സയിലായിരുന്നു യുവതി. സ്കാനിങ്ങിന് വേണ്ടി മറ്റൊരു സ്ഥാപനത്തിലേക്ക് കൊണ്ടുപോകും വഴിയാണ് പീഡന ശ്രമം നടന്നത്. യുവതിക്കൊപ്പമാണ് അറ്റൻഡർ ആംബുലൻസിൽ ഇരുന്നത്. ഈ സമയം ശാരീരികമായി ഉപദ്രവിച്ചു, പീഡിപ്പിക്കാൻ ശ്രമിച്ചു എന്നാണ് പരാതി.
അന്ന് ആരോഗ്യ സ്ഥിതി മോശമായതിനെ തുടർന്ന് പരാതിപ്പെടാൻ യുവതിക്കായില്ല. പിന്നാലെ വള്ളൂരിൽ ഡോക്ടറെ കാണാൻ എത്തിയപ്പോൾ യുവതി ഡോക്ടറോട് കാര്യം പറയുകയും ഡോക്ടറുടെ നിർദേശപ്രകാരം പൊലീസിൽ പരാതി നൽകുകയായിരുന്നു. പിന്നാലെ പെരിന്തൽമണ്ണ പൊലീസ് കേസെടുത്ത് അന്വേഷണം ആരംഭിച്ചു. പ്രശാന്ത് കുറ്റം സമ്മതിച്ചിട്ടുണ്ട്. ഇയാളുടെ അറസ്റ്റ് ഇന്ന് രേഖപ്പെടുത്തും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
