തിരുവനന്തപുരം: എസ് ജയചന്ദ്രന് നായര് പ്രഥമ പുരസ്കാരം മുതിര്ന്ന മാധ്യമപ്രവര്ത്തകന് എന് ആര് എസ് ബാബുവിന്. എസ് ജയചന്ദ്രന് നായര് സ്മാരക സമിതി ഏര്പ്പെടുത്തിയ പുരസ്കാരം ചിത്രകാരന് ബി ഡി ദത്തന് സമര്പ്പിക്കും. ജനുവരി രണ്ടിന് വൈകുന്നേരം അഞ്ച് മണിക്ക് തിരുവനന്തപുരം പ്രസ്ക്ലബ്ബിലെ ടി എന് ജി സ്മാരക ഹാളിലാണ് ചടങ്ങ്.
കലാകൗമുദി, മലയാളം വാരികയുടെ പത്രാധിപരും സാഹിത്യകാരനും ചലച്ചിത്ര നിരൂപകനും തിരക്കഥാകൃത്തുമായിരുന്ന എസ് ജയചന്ദ്രന് നായര് വിടവാങ്ങിയിട്ട് ഒരു വര്ഷമാകുന്നു. കലാകൗമുദി പത്രാധിപരായിരുന്ന മുതിര്ന്ന മാധ്യമപ്രവര്ത്തകന് എന് ആര് എസ് ബാബുവാണ് പ്രഥമ ജയചന്ദ്രന് നായര് സ്മാരക പുരസ്കാരത്തിന് അര്ഹനായത് .
മുതിര്ന്ന മാധ്യമപ്രവര്ത്തകന് എം ജി രാധാകൃഷ്ണന് അനുസ്മരണ പ്രഭാഷണം നടത്തും. കേരളത്തിലെ തദ്ദേശ സ്വയം ഭരണ തെരഞ്ഞെടുപ്പ് ഫലത്തിന് ശേഷമുള്ള കേരളത്തിലെ രാഷ്ട്രീയ കാലാവസ്ഥയെ വിശകലനം ചെയ്തു കൊണ്ട് കേരള രാഷ്ട്രീയം പുതിയ വഴിത്തിരിവുകള് എന്ന വിഷയത്തിലാണ് പ്രഭാഷണം. പി എം ബിനുകുമാര് എഡിറ്റ് ചെയ്ത എസ്. ജയചന്ദ്രന് നായര് ഒരു പത്രപ്രവര്ത്തകന്റെ അനുഭവക്കുറിപ്പുകളും ഓര്മ്മകളും എന്ന പുസ്തകം പ്രകാശനം ചെയ്യും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
