കൊല്ലം: വ്യാജ അഡ്രസ്സില് നിര്മ്മിച്ച് വില്പന നടത്തുന്ന 'കേര ഡയമണ്ട്' ബ്രാന്ഡ് വെളിച്ചെണ്ണയുടെ ശേഖരണവും വില്പ്പനയും വിതരണവും നിരോധിച്ചതായി ജില്ലാ ഭക്ഷ്യസുരക്ഷാ അസിസ്റ്റന്റ് കമ്മീഷണര് അറിയിച്ചു. കുന്നത്തൂര്, ചടയമംഗലം ഭക്ഷ്യസുരക്ഷാ സര്ക്കിളുകളില് നിന്ന് ശേഖരിച്ച് തിരുവനന്തപുരം ഗവ. അനലിറ്റിക്കല് ലാബില് അയച്ചു പരിശോധിച്ച സാമ്പിളുകള് ഗുണനിലവാരമില്ലാത്തതാണെന്ന് കണ്ടെത്തിയതിനെ തുടര്ന്നാണ് നടപടി.
'ദാസ് ഓയില് ഇന്ഡസ്ട്രീസ്, തയ്യില് ബില്ഡിംഗ്, യൂണിറ്റ് നമ്പര് 1/77, പാലക്കാട്' എന്ന വിലാസത്തില് നടത്തിയ അന്വേഷണത്തില് നിര്മ്മാണ വിലാസം വ്യാജമാണെന്ന് കണ്ടെത്തി. ഈ സാഹചര്യത്തില് ഈ ബ്രാന്ഡിലോ അഡ്രസ്സിലോ ഉള്ള വെളിച്ചെണ്ണ വ്യാപാരികള് സ്റ്റോക്ക് ചെയ്യാനോ വില്പ്പന നടത്താനോ പാടില്ലെന്ന് ഭക്ഷ്യസുരക്ഷാ വകുപ്പ് അറിയിച്ചു. പരിചയമില്ലാത്ത ബ്രാന്ഡുകളും ബില്ലില്ലാത്തതുമായ വെളിച്ചെണ്ണ വാങ്ങരുതെന്നും അറിയിപ്പുണ്ട്. പരാതികള് 1800 425 1125 എന്ന ടോള് ഫ്രീ നമ്പരില് അറിയിക്കാം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
