തിരുവനന്തപുരം : സംസ്ഥാന സിലബസുള്ള സ്കൂളുകളില് 2026-27 അധ്യയനവര്ഷം എല്ലാ ക്ലാസിലേക്കുമുള്ള പ്രവേശനം മെയ് രണ്ടിന് ആരംഭിക്കും. ജൂണ് ഒന്നിന് പ്രവേശനോത്സവത്തോടെ ക്ലാസ് തുടങ്ങും. വിദ്യാഭ്യാസ അവകാശ നിയമപ്രകാരം ഒന്നാം ക്ലാസ് പ്രവേശനത്തിന് കേന്ദ്രസര്ക്കാര് നിശ്ചയിച്ച കുറഞ്ഞ പ്രായപരിധി ആറ് വയസ്സാണ്. എന്നാല്, സംസ്ഥാനത്ത് കേരള വിദ്യാഭ്യാസ ചട്ടം (കെഇആര്) പ്രകാരം പ്രായപരിധി അഞ്ച് വയസ്സായി 2026-27 അധ്യയനവര്ഷത്തേക്കുകൂടി തുടരുമെന്ന് പൊതുവിദ്യാഭ്യാസ വകുപ്പ് വ്യക്തമാക്കി.
ആഗ്രഹിക്കുന്ന എല്ലാ കുട്ടികള്ക്കും പൊതുവിദ്യാലയങ്ങളില് പ്രവേശനം ഉറപ്പാക്കണം. രേഖകള് ഹാജരാക്കാന് കഴിയാത്തവര്ക്ക് താല്ക്കാലിക പ്രവേശനം നല്കാം. പ്രവേശനത്തിന് പരീക്ഷ നടത്തരുത്. ഒന്നുമുതല് എട്ടുവരെ ക്ലാസുകളിലെ കുട്ടികള്ക്ക് പുസ്തകം, യൂണിഫോം എന്നിവ പൂര്ണമായും സൗജന്യമാണ്. സ്കൂള് അറ്റകുറ്റപ്പണികള് മെയ് 30നകം പൂര്ത്തിയാക്കി തദ്ദേശസ്ഥാപനത്തില്നിന്ന് ഫിറ്റ്നസ് സര്ട്ടിഫിക്കറ്റ് വാങ്ങണം. പഠനപിന്തുണ പരിപാടിയില് ഉള്പ്പെട്ട കുട്ടികള് ഉള്പ്പെടെയുള്ളവരുടെ പ്രമോഷന് ലിസ്റ്റ് മെയ് രണ്ടിന് പ്രസിദ്ധീകരിക്കണമെന്നും പൊതുവിദ്യാഭ്യാസ വകുപ്പ് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
