കാസര്‍കോട്: കാട്ടുപന്നിയുടെ ആക്രമണത്തില്‍ ഗുരുതരമായി പരിക്കേറ്റ് ചികിത്സയിലായിരുന്ന 60കാരന്‍ മരിച്ചു. വെള്ളരിക്കുണ്ട് സ്വദേശി കെ യു ജോണാണ് കാട്ടുപന്നിയുടെ ആക്രമണം നേരിട്ടത്. ഉടന്‍ തന്നെ മംഗലാപുരത്തെ സ്വകാര്യ ആശുപത്രിയില്‍ എത്തിച്ചു. ഒന്നരമാസത്തോളം ചികിത്സയില്‍ കഴിഞ്ഞ ജോണിന്റെ ആരോഗ്യനില വഷളാവുകയായിരുന്നു. ഇന്ന് രാവിലെയാണ് മരണം സംഭവിച്ചത്.
നവംബര്‍ ഒന്നിനാണ് ജോണിനെ കാട്ടുപന്നി ആക്രമിച്ചത്. ബലാല്‍ അതിര്‍ത്തിയിലെ പൈങ്ങോട്ട് ഷിജുവിന്റെ വീട്ടില്‍ കാട്ടുപന്നിയുടെ ശല്യം രൂക്ഷമായിരുന്നു. ഇത് പരിഹരിക്കാന്‍ തോക്കിന് ലൈസന്‍സുള്ള ജോണിനെ വിളിക്കുകയായിരുന്നു. ഷിജുവിന്റെ വീട്ടില്‍ എത്തി കാട്ടുപന്നിയെ നേരിടാന്‍ ശ്രമിക്കുന്നതിടെ, കാട്ടുപന്നി ജോണിനെ ആക്രമിക്കുകയായിരുന്നു.
കാട്ടുപന്നിയുടെ ആക്രമണത്തില്‍ ഗുരുതരമായി പരിക്കേറ്റ ജോണിനെ ഉടന്‍ തന്നെ മംഗലാപുരം ആശുപത്രയില്‍ എത്തിച്ചു. അവിടെ ഒന്നരമാസത്തോളം ചികിത്സയില്‍ കഴിഞ്ഞ ജോണിന്റെ ആരോഗ്യനില കഴിഞ്ഞദിവസം വഷളാവുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
