പാലക്കാട്: പീഡന പരാതിയില് ജാമ്യമില്ലാ വകുപ്പ് പ്രകാരം പൊലീസ് കേസെടുത്തതിന് പിന്നാലെ പാലക്കാട് നഗരസഭാ കോണ്ഗ്രസ് കൗണ്സിലര് പ്രശോഭ് സി വത്സന് ഒളിവില്. ഇയാള് കേരളം വിട്ടിരിക്കാമെന്ന നിഗമനത്തിലാണ് പൊലീസ്. പ്രശോഭിനെ തേടി കോയമ്പത്തൂര്, പൊള്ളാച്ചി, ബംഗളൂരു എന്നിവിടങ്ങളില് അന്വേഷണം നടത്തുമെന്നും ഇയാളെ ഉടന് പിടികൂടുമെന്നും പൊലീസ് അറിയിച്ചു. അതേസമയം മുന്കൂര് ജാമ്യത്തിനായും പ്രശോഭ് ശ്രമം തുടങ്ങി.
ജോലി വാഗ്ദാനം ചെയ്ത് പരിചയപ്പെട്ട ശേഷം തന്നെ പീഡിപ്പിച്ച് ഗര്ഭിണിയാക്കി എന്നാണ് 22 കാരിയായ യുവതിയുടെ പരാതി. ഗര്ഭം അലസിപ്പിക്കാന് ഗുളിക നല്കി. കൗണ്സിലര് പ്രശോഭ് വല്സന് ഭീഷണിപ്പെടുത്തി എന്നും യുവതി മുഖ്യമന്ത്രിക്ക് നല്കിയ പരാതിയില് പറയുന്നു. ഇതിന് പിന്നാലെ പാലക്കാട് ടൗണ് സൗത്ത് പൊലീസ് സ്റ്റേഷനില് എത്തി യുവതി വിശദമായ മൊഴി നല്കി.
കോണ്ഗ്രസ് നേതാക്കളായ ഷാഫി പറമ്പില് എംപിയുടെയും വി കെ ശ്രീകണ്ഠന് എംപിയുടെയും പേര് പറഞ്ഞ് പ്രതി തന്നെ ഭീഷണിപ്പെടുത്തിയതായി പൊലീസിന് യുവതി നല്കിയ മൊഴിയില് പറയുന്നു. പീഡനവുമായി ബന്ധപ്പെട്ട് പൊലീസിന് യുവതി തെളിവുകള് കൈമാറി എന്നാണ് സൂചന. വിഷയം തെരഞ്ഞെടുപ്പ് ചര്ച്ചയായതിന് പിന്നാലെ പ്രശോഭിനെ കോണ്ഗ്രസ് പാര്ട്ടിയില് നിന്ന് പുറത്താക്കിയിരുന്നു. തന്റെ മുന്നില് വച്ച് പ്രതി ഷാഫിയെ വിഡിയോ കോള് ചെയ്തതായും യുവതിയുടെ മൊഴിയില് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
