ഗ്യാസ് സ്റ്റൗവിന് മുകളില് പത്തി വിടര്ത്തി മൂര്ഖന് പാമ്പ്, മണിക്കൂറുകളോളം മുള്മുനയില്
മലപ്പുറം: റാന്നിയില് ലോഡ്ജ് മുറിയിലെ അടുക്കളയില് അഞ്ചര അടി നീളമുള്ള മൂര്ഖന് പാമ്പ്. സല്മാ നസീറും മകന് രാജാ നസീറും വാടകയ്ക്ക് താമസിക്കുന്ന റാന്നി അങ്ങാടി പേട്ട ജംങ്ഷനു സമീപമുള്ള ശാസ്താംകോവില് ലോഡ്ജ് മുറിയിലെ അടുക്കളയിലാണ് പാമ്പിനെ കണ്ടത്. പാത്രങ്ങള്ക്കിടയില് പത്തി വിടര്ത്തി നിന്ന അഞ്ചര അടി നീളമുള്ള മൂര്ഖന് പാമ്പ് ഒരു മണിക്കൂറോളം ഭീതി പരത്തി.
മൂര്ഖനെ കണ്ടതിന് പിന്നാലെ ഉതിമൂട്ടില്ലുള്ള മാത്തുക്കുട്ടിയെ വിവരം അറിയിക്കുകയും മിനിറ്റുകള്ക്കുള്ളില് എത്തി പാമ്പിനെ പിടികൂടുകയുമായിരുന്നു.
മാത്തുക്കുട്ടിയുടെ ഇടപെടല് കാരണം വലിയൊരു അപകടം ഒഴിവായി. പമ്പാനദിയില് വലിയ തോടിന്റെ തീരമായതിനാല് പെരുമ്പാമ്പുകളും മൂര്ഖന് പാമ്പുകളും പ്രദേശവാസികള്ക്ക് ഭീതി ഉണ്ടാക്കുന്നു.
Snake Found in Lodge Kitchen in Ranni: A large cobra was found in a lodge kitchen, creating fear among residents until a snake catcher safely removed it.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
