ഓണത്തിരക്ക്: ബംഗളൂരുവില്‍ നിന്ന് തിരുവനന്തപുരത്തേക്ക് സ്‌പെഷല്‍ ട്രെയിന്‍

തിരുവനന്തപുരം: ഓണക്കാലത്തെ യാത്രാത്തിരക്ക് പരിഗണിച്ച് ബംഗളൂരുവില്‍ നിന്ന് തിരുവനന്തപുരത്തേക്ക് സ്‌പെഷല്‍ ട്രെയിന്‍ പ്രഖ്യാപിച്ചു. ആകെ 20 കോച്ചുകളുള്ള ട്രെയിനാണ് പ്രഖ്യാപിച്ചത്. ഇതില്‍ ഒരു എസി ചെയര്‍ കാര്‍, മൂന്ന് എസി ത്രീ ടയര്‍ കോച്ചുകള്‍, 10 സ്ലീപ്പര്‍ കോച്ചുകള്‍, 4 ജനറല്‍ കോച്ചുകള്‍ എന്നിവ ഉള്‍പ്പെടുന്നു.

20 വൈകിട്ട് 5.10ന് ബംഗളൂരുവില്‍ നിന്ന് പുറപ്പെട്ട് പിറ്റേന്ന് രാവിലെ 10 മണിക്ക് കൊച്ചുവേളിയിലെത്തും. 22 ഉച്ചയ്ക്ക് 12.40നാണ് മടക്കയാത്ര. 23-ാം തീയതി രാവിലെ 6 മണിക്ക് ബംഗളൂരുവിലെത്തും. കൃഷ്ണരാജപുരം, ബംഗാരപേട്ട്, കുപ്പം, ജോലാര്‍പേട്ട്, സേലം, ഈറോഡ്, തിരുപ്പൂര്‍, കോയമ്പത്തൂര്‍, പാലക്കാട്, ഷൊര്‍ണൂര്‍, തൃശൂര്‍, ആലുവ, എറണാകുളം, കോട്ടയം, ചങ്ങനാശേരി, തിരുവല്ല, ചെങ്ങന്നൂര്‍, മാവേലിക്കര, കായംകുളം, കരുനാഗപ്പള്ളി, കൊല്ലം, വര്‍ക്കല എന്നിവയാണ് പ്രധാന സ്റ്റോപ്പുകള്‍.