കോട്ടയത്ത് ശക്തമായ കാറ്റ്; മരങ്ങള്‍ കടപുഴകി കാറുകള്‍ക്ക് മുകളില്‍ വീണു; ഗതാഗതം തടസപ്പെട്ടു

കോട്ടയം: കുമരകത്തിന് സമീപം കൈപ്പുഴമുട്ടില്‍ ശക്തമായ കാറ്റ്. ശക്തമായ കാറ്റില്‍ വാഹനങ്ങളുടെ മുകളിലേക്ക് മരങ്ങള്‍ കടപുഴകി വീണു. മരങ്ങള്‍ വീണ് അഞ്ച് കാറുകള്‍ തകര്‍ന്നു. ആര്‍ക്കും പരിക്കില്ല. 

കുമരകം  വൈക്കം റൂട്ടില്‍ മണിക്കൂറുകളായി ഗതാഗത തടസപ്പെട്ടിരിക്കുകയാണ്. ഓടിക്കൊണ്ടിരുന്ന വാഹനങ്ങളുടെ മുകളിലേക്കാണ് മരം വീണത്. 

ഫയര്‍ഫോഴ്‌സ് എത്തി മരങ്ങള്‍ മുറിച്ച് മാറ്റുകയാണ്. നാളെ രാവിലെയോടെ മാത്രമേ ഗതാഗതം പൂര്‍ണ്ണതോതില്‍ പുനസ്ഥാപിക്കാനാകൂ എന്ന് അധികൃതര്‍ അറിയിച്ചു.