ടീം ഇന്ത്യയ്ക്ക് മുംബൈയിൽ ​ഗംഭീര വരവേൽപ്പ്, 'ഉയിര് പോകാതിരുന്നത് ഭാ​ഗ്യം', വിഴിഞ്ഞം മിഴിതുറക്കുന്നു; ഇന്നത്തെ അഞ്ചു പ്രധാന വാർത്തകൾ

ടി20 ലോകകപ്പ് നേടിയ ഇന്ത്യൻ ടീമിന് മുംബൈയിൽ ഊഷ്മള സ്വീകരണം. ഡൽഹിയിൽ നിന്ന് മുംബൈയിലെത്തിയ ടീം അംഗങ്ങളെ സ്വീകരിക്കാൻ മറൈൻ ഡ്രൈവിൽ അടക്കം പതിനായിരങ്ങളാണ് കാത്തുനിന്നത്. ഇതടക്കം പ്രധാനപ്പെട്ട അഞ്ചുവാർത്തകൾ ചുവടെ.

ടി20 ലോകകപ്പ് നേടിയ ഇന്ത്യന്‍ ടീമിന് മുംബൈയില്‍ ഊഷ്മള സ്വീകരണം. ഡല്‍ഹിയില്‍ നിന്ന് മുംബൈയിലെത്തിയ ടീം അംഗങ്ങളെ സ്വീകരിക്കാന്‍ മറൈന്‍ ഡ്രൈവില്‍ അടക്കം പതിനായിരങ്ങളാണ് കാത്തുനിന്നത്.

പാലക്കാട് റെയില്‍വേ സ്റ്റേഷനില്‍ ഓടുന്ന ട്രെയിനില്‍ ചാടിക്കയറാന്‍ ശ്രമിക്കുന്നതിനിടെ വീണ യാത്രക്കാരനെ ജീവിതത്തിലേക്ക് പിടിച്ചുകയറ്റി പൊലീസ് ഉദ്യോഗസ്ഥര്‍. നിയന്ത്രണം വിട്ട് ട്രെയിനിനും പ്ലാറ്റ്‌ഫോമിനും ഇടയില്‍ തൂങ്ങി കിടന്ന യാത്രക്കാരനെ സീനിയര്‍ സിവില്‍ പൊലീസ് ഓഫീസര്‍ സക്കീര്‍, സിവില്‍ പൊലീസ് ഓഫീസര്‍ അഭിരാജ്, സിവില്‍ പൊലീസ് ഓഫീസര്‍ അബു സാഗര്‍ എന്നിവര്‍ ചേര്‍ന്നാണ് രക്ഷിച്ചത്.

എംപി എന്ന നിലയില്‍ തന്നേക്കൊണ്ട് ഉദ്ഘാടനം ചെയ്യിക്കാമെന്ന് കരുതേണ്ടന്നും സിനിമാ നടനായാണ് അതിനായി എത്തുകയെന്നും സുരേഷ് ഗോപി. ഉദ്ഘാടനത്തിന് എത്തിയാല്‍ അതിനുള്ള പണം വാങ്ങിയേ പോകൂ. ഇങ്ങനെ ലഭിക്കുന്ന ഒരു പൈസയും താന്‍ എടുക്കില്ലെന്നും സമൂഹനന്മക്കായി ഉപയോഗിക്കുമെന്നും അദ്ദേഹം പറഞ്ഞു. ഏങ്ങണ്ടിയൂരില്‍ ഗുരുവായൂര്‍ മണ്ഡലം കമ്മിറ്റിയുടെ സ്വീകരണത്തില്‍ പങ്കെടുത്ത് സംസാരിക്കുകയായിരുന്നു അദ്ദേഹം.

കെപിസിസി പ്രസിഡന്റ് കെ സുധാകരന്റെ വീട്ടില്‍ കൂടോത്രം നടത്തിയതായി ആരോപണം. സുധാകരനെ അപായപ്പെടുത്താനാണ് നടാലിലെ വീട്ടില്‍ കൂടോത്രം നടത്തിയതെന്ന ആരോപണം വലിയ ചര്‍ച്ചയായിട്ടുണ്ട്. ഇതുമായി ബന്ധപ്പെട്ട് കെ സുധാകരന്റെ കണ്ണൂര്‍ നടാലിലെ വസതിയില്‍ നിന്ന് നിരവധി വസ്തുക്കള്‍ കണ്ടെടുത്തിട്ടുണ്ട്.

നീണ്ട കാത്തിരിപ്പിനൊടുവില്‍ വിഴിഞ്ഞം തുറമുഖം പ്രവര്‍ത്തന സജ്ജമാകുന്നു. ആദ്യ മദര്‍ഷിപ്പ് അടുത്ത വെള്ളിയാഴ്ച തുറമുഖത്ത് എത്തും. മദര്‍ഷിപ്പിന് വന്‍സ്വീകരണം ഒരുക്കാനാണ് സര്‍ക്കാര്‍ ഒരുങ്ങുന്നത്.