ബാലമുരുകന് രക്ഷപ്പെടാനായില്ല; മിനിട്ടുകള്‍ കൊണ്ട് ഓടിച്ചിട്ട് പിടിച്ച് പൊലീസ്

ഇടുക്കി: സ്വന്തം അമ്മയെ കൊലപ്പെടുത്താന്‍ ശ്രമിച്ച കേസിലെ പ്രതി ഓടി രക്ഷപ്പെടാന്‍ ശ്രമിക്കവേ പൊലീസ് നാടകീയമായി പിടികൂടി. ഉടുമ്പന്‍ചോല സ്വദേശിയായ ബാലമുരുകനെയാണ് പൊലീസ് ഓടിച്ചിട്ട് പിടിച്ചത്.

നെടുങ്കണ്ടം ഫസ്റ്റ് ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കാന്‍ കൊണ്ടുവന്ന ബാലമുരുകന്‍ പൊലീസിനെ തള്ളിമാറ്റി ഓടുകയായിരുന്നു. 15 മിനിട്ടോളം ഉള്ള തെരച്ചിലിനൊടുവിലാണ് പ്രതിയെ പിടികൂടുന്നത്. മദ്യലഹിരിയില്‍ ആയിരുന്ന പ്രതി അമ്മയെ വെട്ടിക്കൊലപ്പെടുത്താന്‍ ശ്രമിച്ചു എന്നതാണ് കേസ്.