വോട്ട് അസാധുവാക്കി; ലീഗ് കൗണ്‍സിലറെ യൂത്ത് കോണ്‍ഗ്രസ് പ്രവര്‍ത്തകര്‍ കയ്യേറ്റം ചെയ്തു

കോഴിക്കോട്: മുക്കം നഗരസഭയിലെ മുസ്ലിം ലീഗ് കൗണ്‍സിലറെ യൂത്ത് കോണ്‍ഗ്രസ് പ്രവര്‍ത്തകര്‍ കയ്യേറ്റം ചെയ്തു. മുസ്ലിം ലീഗ് നേതാവ് യാസറിന് നേരെയാണ് കയ്യേറ്റമുണ്ടായത്.

മണാശ്ശേരിയില്‍ യുഡിഎഫ് കൗണ്‍സിലര്‍മാരുടെ യോഗം നടക്കുന്നതിനിടെയാണ് കയ്യേറ്റം നടന്നത്.അധ്യക്ഷ തെരഞ്ഞെടുപ്പില്‍ യാസറിന്റെ വോട്ട് അസാധുവായിരുന്നു. ഇതേച്ചൊല്ലിയുള്ള തര്‍ക്കമാണ് കയ്യേറ്റത്തില്‍ കലാശിച്ചത്.