തിരുവനന്തപുരം വിമാനത്താവളത്തിലെ റണ്‍വെ മറ്റന്നാള്‍ ഉച്ചയ്ക്ക് ശേഷം അടച്ചിടും

തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളത്തിലെ റണ്‍വേ ഏപ്രില്‍ 5ന് ഉച്ചയ്ക്ക് ശേഷം 4 മണി മുതല്‍ രാത്രി 9 മണി വരെ അടച്ചിടും. ശ്രീപത്മനാഭസ്വാമി ക്ഷേത്രത്തിലെ പൈങ്കുനി ആറാട്ട് ഘോഷയാത്രയുടെ ഭാഗമായാണ് റണ്‍വെ അടച്ചിടുന്നത്. 

ഈ സമയത്തുള്ള ആഭ്യന്തര, രാജ്യന്തര വിമാന സര്‍വീസുകള്‍ പുനഃക്രമീകരിച്ചു. പുതുക്കിയ സമയക്രമം അതത് എയര്‍ലൈനുകളില്‍ നിന്ന് ലഭ്യമാണ്.

അന്നേദിവസം തിരുവനന്തപുരം നഗരസഭയ്ക്ക് കീഴില്‍ പ്രാദേശിക അവധി പ്രഖ്യാപിച്ചിട്ടുണ്ട്. വൈകുന്നേരം മൂന്നുമണിക്ക് ശേഷം നഗര പരിധിയിലെ എല്ലാ സര്‍ക്കാര്‍ സ്ഥാപനങ്ങള്‍ക്കും, വിദ്യാഭ്യാസ സ്ഥാപനങ്ങള്‍ക്കും അവധി ആയിരിക്കുമെന്ന് ജില്ലാ കലക്ടര്‍ അറിയിച്ചു.മുന്‍ നിശ്ചയിച്ചിട്ടുള്ള പൊതു പരീക്ഷകള്‍ക്ക് അവധി ബാധകമായിരിക്കില്ല.

ഈ വാര്‍ത്ത കൂടി വായിക്കൂ ട്രെയിനിലെ തീവയ്പ്: പ്രതിയെ തിരിച്ചറിഞ്ഞു?; കോഴിക്കോട്ടെത്തിയത് കെട്ടിടനിര്‍മ്മാണത്തിന്;  നിര്‍ണായക വിവരം ലഭിച്ചത് മൊബൈലില്‍ നിന്ന്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ