ദേശീയപാതയില് വെങ്ങളം- രാമനാട്ടുകാര റീച്ചില് വ്യാഴാഴ്ച മുതല് ടോള്പിരിവ്; നിരക്ക് ഇങ്ങനെ
കോഴിക്കോട്: ദേശീയപാത 66ല് വെങ്ങളം- രാമനാട്ടുകര റീച്ചില് ടോള്പിരിവ് പുതുവര്ഷപ്പിറവിയില് തുടങ്ങും. ടോള് നിരക്കിന് കേന്ദ്ര ഉപരിതല ഗതാഗത മന്ത്രാലയം അനുമതി നല്കിയതോടെയാണ് 31ന് അര്ധരാത്രി 12ന് ശേഷം ടോള് പിരിവ് തുടങ്ങാന് ദേശീയപാത അതോറിറ്റി തീരുമാനിച്ചത്.
ടോള്നിരക്ക് രണ്ടുദിവസത്തിനകം വിജ്ഞാപനം ചെയ്യും. പന്തീരാങ്കാവിലെ ടോള്പ്ലാസയില് ട്രയല് റണ് ഇന്നോ നാളെയോ തുടങ്ങാനും തീരുമാനമായി. ഒളവണ്ണ ടോള് പ്ലാസ എന്നു പേരു മാറ്റിയിട്ടുണ്ട്.
കാര് ജീപ്പ്, ലൈറ്റ് മോട്ടോര് വെഹിക്കിള്, വാന് എന്നിവയ്ക്ക് ഒരു വശത്തേയ്ക്ക് 90 രൂപയാണ് ടോള്നിരക്ക് വരിക. ഇരുവശത്തേയ്ക്കും 135 രൂപയാണ് ഈടാക്കുക. ലൈറ്റ് കമേഴ്സ്യല് വെഹിക്കിള്, ലൈറ്റ് ഗുഡ്സ് വെഹിക്കിള്, മിനി ബസ് എന്നിവയ്ക്ക് ഒരു വശത്തേയ്ക്ക് 145 രൂപയും ഇരുവശത്തേയ്ക്കും 215 രൂപയുമാണ് ടോള്നിരക്ക് വരിക. ബസിന് ഒരു വശത്തേയ്ക്ക് 300 രൂപ വരും. ഇരുവശത്തേയ്ക്കുമായി 455 രൂപയാണ് ടോള്നിരക്കായി ചുമത്തുക.
Toll collection on the Vengalam-Ramanattukara reach on the National Highway from Thursday
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
