കണ്ണൂര്‍: അന്തരിച്ച സിപിഎം മുന്‍ സംസ്ഥാന സെക്രട്ടറി കോടിയേരി ബാലകൃഷ്ണന് നേതാക്കളുടെയും പാര്‍ട്ടി പ്രവര്‍ത്തകരുടെ വൈകാരിക യാത്രയയപ്പ്. സംസ്‌കാര ചടങ്ങുകള്‍ക്ക് വേണ്ടി മൃതദേഹം പയ്യാമ്പലത്തേക്ക് കൊണ്ടുവന്നപ്പോള്‍ മുന്നില്‍ നിന്ന് തോളിലേറ്റിയത്‌ മുഖ്യമന്ത്രി പിണറായി വിജയന്‍ ആയിരുന്നു.
വിലാപയാത്ര സിപിഎം ജില്ലാ കമ്മിറ്റി ഓഫീസില്‍ നിന്ന് ആരംഭിച്ചപ്പോള്‍ മുതല്‍ കാല്‍നടയായി മുഖ്യമന്ത്രി ഒപ്പം നടന്നു. ശേഷം, പയ്യാമ്പലത്ത് എത്തിയപ്പോള്‍ ഒരറ്റം മുഖ്യമന്ത്രി തോളിലേറ്റുകയായിരുന്നു. സിപിഎം ജനറല്‍ സെക്രട്ടറി സീതാറാം യെച്ചൂരിയും പ്രകാശ് കാരാട്ടും എം എ ബേബിയും എ കെ ബാലനും ഓരോ വശങ്ങളില്‍ പിടിച്ചു.
പ്രവര്‍ത്തകരുടെ ഉറക്കെയുള്ള മുദ്രാവാക്യങ്ങള്‍ അന്തരീക്ഷത്തെ വികാരതീവ്രമാക്കി. ഇന്നലെ മുതല്‍ മുഖ്യമന്ത്രി കോടിയേരിക്ക് ഒപ്പമുണ്ടായിരുന്നു. മൃതദേഹം തലശേരി ടൗണ്‍ ഹാളില്‍ പൊതു ദര്‍ശനത്തിന് വച്ചപ്പോള്‍ മുഖ്യമന്ത്രി എട്ടു മണിക്കൂറോളം കൂടെയിരുന്നു. ഇന്ന് രാവിലെ തന്നെ കോടിയേരിയുടെ വീട്ടില്‍ കുടുംബ സമേതമെത്തി. കോടിയേരിയുടെ ഭാര്യ വിനോദിനിയുടെ കൂടെ മുഖ്യമന്ത്രിയുടെ ഭാര്യ കമല വിജയന്‍ സദാസമയവും കൂടെയിരുന്നു.
ഈ വാര്‍ത്ത കൂടി വായിക്കൂ ഇനി ജ്വലിക്കുന്ന ഓര്‍മ്മ; പ്രിയ സഖാവിന് വിട, നായനാര്‍ക്കും ചടയന്‍ ഗോവിന്ദനും നടുവില്‍ അന്ത്യവിശ്രമം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
