കണ്ണൂര്: കണ്ണൂര് ജില്ലയിലെ വിവിധ തദ്ദേശ സ്വയംഭരണ സ്ഥാപനങ്ങളിലേക്കുള്ള സത്യപ്രതിജ്ഞ ചടങ്ങുകളില് പങ്കെടുക്കാതെ ജയിലില് കഴിയുന്ന കൗണ്സിലര്മാര്. വിവിധ കേസുകളില് ക്രിമിനല് കേസുകളില് ശിക്ഷിക്കപ്പെട്ട് ജയിലില് കഴിയുന്ന ബിജെപി, സിപിഎം കൗണ്സിലര്മാരാണ് സത്യപ്രതിജ്ഞ ചെയ്യാതിരുന്നത്.
പയ്യന്നൂര് നഗരസഭയിലെ സിപിഎം കൗണ്സിലര് വി കെ നിഷാദ് തലശ്ശേരി നഗരസഭയിലെ ബിജെപി കൗണ്സിലര് യു പ്രശാന്ത് എന്നിവരാണ് സത്യപ്രതിജ്ഞയ്ക്ക് എത്താതിരുന്നത്. പയ്യന്നൂരില് പൊലീസിനെ ബോംബറിഞ്ഞു വധിക്കാന് ശ്രമിച്ച കേസിലാണ് വി കെ നിഷാദ് ശിക്ഷിക്കപ്പെട്ടത്. തലശ്ശേരി കോടിയേരിയില് സിപിഎം പ്രവര്ത്തനായ പി രാജേഷിനെ വധിക്കാന് ശ്രമിച്ച കേസിലാണ് യു പ്രശാന്ത് ശിക്ഷിക്കപ്പെട്ടത്.
സംസ്ഥാനത്ത് തദ്ദേശസ്ഥാപനങ്ങളിലേക്ക് തെരഞ്ഞെടുക്കപ്പെട്ട അംഗങ്ങള് ഇന്നാണ് സത്യപ്രതിജ്ഞ ചെയ്ത് ചുമതലയേറ്റത്. ഗ്രാമ, ബ്ലോക്ക്, ജില്ലാ പഞ്ചായത്തുകളിലും നഗരസഭകളിലും രാവിലെ പത്തിനും കോര്പ്പറേഷനുകളില് പതിനൊന്നരയ്ക്കുമാണ് സത്യപ്രതിജ്ഞ തുടങ്ങിയത്. മേയര്, ചെയര്പേഴ്സണ് തെരഞ്ഞെടുപ്പ് ഈ മാസം 26നും പഞ്ചായത്ത് പ്രസിഡന്റ് തെരഞ്ഞെടുപ്പ് 27നും നടക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
